Abu Simbel

Oddi ar Wicipedia
Neidio i: llywio, chwilio
Abu Simbel

Dwy deml yn ne yr Aifft a adeiladwyd gan y brenin Ramesses II (1302 CC - 1213 CC) yw Abu Simbel. Adeiladwyd y temlau i anrhydeddu Ramesses ei hun a'i frenhines Nefertari.

Dechreuwyd adeiladu Argae Uchel Aswan yn 1960, a dechreuodd Llyn Nasser ffurfio tu ôl i'r argae yn 1964, tra bod yr argae'n dal i gael ei godi. Byddai hyn wedi boddi nifer o henebion o bwysigrwydd eithriadol, yn arbennig Abu Simbel. Bu cydweithrediad rhwng nifer o wledydd wedi ei drefnu gan UNESCO i symud nifer o demlau a henebion eraill rhag iddynt gael eu boddi. Rhwng 1964 a 1968 symudwyd y deml i safle 65 medr yn uwch a 200 medr ymhellach o'r afon.