Ynysydd

Oddi ar Wicipedia
Ynysydd
Mathdeunydd Edit this on Wikidata
Y gwrthwynebdargludydd Edit this on Wikidata
Tudalen Comin Ffeiliau perthnasol ar Gomin Wicimedia
Ynysydd

Ynysydd yw defnydd sy'n atal ynni trydanol neu thermol rhag deithio drwyddo, ac mae'n wrthwyneb i ddargludydd. Mae'r deunyddiau hyn yn cynnwys y mwyafrif o'r anfetelau elfennol ac anfetelau eraill, fel plastigion.

Ynysyddion trydanol[golygu | golygu cod]

Er mwyn i drydan deithio drwy sylwedd, rhaid bod gwefrau ynddo sy'n medru symud a chario'r cerrynt. Mae'r llif gwefr yn trosglwyddo ynni trydanol o un man i fan arall yn y broses. Gellid cael electronau neu ïonau i drosglwyddo gwefr, felly rhaid i'r electronau mewn ynysydd fod yn lleoledig, ac mae'r bondiau cofalent mewn sylweddau anfetelig yn addas iawn ar gyfer eu dal mewn lleoliad pendant.

Ynysyddion thermol[golygu | golygu cod]

Mae ynysyddion thermol yn gweithio trwy atal un neu ragor o'r dulliau o drosglwyddo ynni thermol (gwres): dargludiad, darfudiad a phelydriad. Mae nifer wedi eu seilio ar briodweddau ynysyddol nwyon fel aer, ac maent yn dal swigod o aer yn eu hadeileddau e.e. asbestos, plu neu wlân. Er mwyn atal pelydriad mae angen dulliau eraill, a defnyddir wynebau sgleiniog i adlewyrchu'r tonnau isgoch yn ôl, rhag iddynt ddianc a throsglwyddo eu hynni thermol.

Fflasg wactod[golygu | golygu cod]

Mae fflasg wactod yn cyfuno'r dulliau o ynysu thermol mewn un gwrthrych.

  • Mae haen o wactod yn atal trosglwyddo ynni thermol trwy ddargludiad a darfudiad.
  • Defnyddir deunyddiau anfetelaidd yn rheolaidd er mwyn gostwng yr ynni collir trwy ddargludiad o amgylch y gwactod.
  • Mae'r ochrau wedi eu gorchuddio gan haen sgleiniog sy'n ymddwyn fel drych i atal colled gwres trwy belydriad.


Eginyn erthygl sydd uchod am ffiseg. Gallwch helpu Wicipedia drwy ychwanegu ato.