Ynys Elba

Oddi ar Wicipedia
Neidio i: llywio, chwilio
Ynys Elba

Ynys oddi ar arfordir gorllewinol yr Eidal yw Ynys Elba (Eidaleg: Isola d'Elba).

Poblogaeth wreiddiol yr ynys oedd y Ligwriaid, a roddodd ei hen enw, Ilva, i'r ynys. Yn ddiweddarach cipiwyd yr ynys gan yr Etrwsciaid, yna gan y Rhufeiniaid.

Preswylydd enwocaf yr ynys oedd Napoleon, a alltudiwyd yno dan delerau Cytundeb Fontainebleau yn 1814. Cyrhaeddodd Portoferraio ar 3 Mai, 1814. Bu yno am 300 diwrnod, gan wneud llawer i wella bywyd trigolion yr ynys. Dihangodd o'r ynys a dychwelyd i Ffrainc ar 26 Chwefror 1815.

Yn 1860 daeth yr ynys yn rhan o deyrnas unedig yr Eidal. Erbyn hyn mae'r ynys yn gyrchfan boblogaidd i dwristiaid ac yn enwog am ei gwin.