Takayama, Gifu

Oddi ar Wicipedia
Neidio i: llywio, chwilio
Un o hen strydoedd Edo-aidd y ddinas

Dinas yn Japan yw Takayama (Japaneg: 高山市 Takayama-shi) neu Hida-Takayama (Japaneg: 飛騨高山), wedi ei lleoli yn nhalaith Gifu yng nghanolbarth y wlad. Ystyr llythrennol Takayama yw "uchel fynydd" sydd yn adlewyrchu lleoliad uchel y ddinas. Gelwir y ddinas yn aml yn Hida-Takayama er mwyn ei gwahaniaethu oddi wrth ddinasoedd eraill o'r un enw, gan gyfeirio at enw hen dalaith y ddinas, Hida. Mae erbyn heddiw yn lle poblogaidd i deithwyr aros am amser byr cyn crwydro i ardal Shirakawa-go neu fynyddoedd Alpau Japan sydd gerllaw.

Hanes[golygu]

Mae'r ddinas yn dyddio yn ôl i'r Cyfnod Jōmon, ac fe ddaeth yn enwog am ei gwaith coed. Credir mai seiri o Takayama a adeiladodd nifer o demlau a phalasau Kyoto a Nara. Cafodd y ddinas fel y mae heddiw ei datblygu yn y 16eg ganrif pan adeiladwyd Castell Takayama gan lwyth y Kanamori. Gwnaeth lleoliad anghysbell Takayama iddi ddatblygu ei diwylliant unigryw dros y 300 mlynedd a ddilynodd. Ffurfiwyd fel dinas ym 1936. Ar Chwefror 1, 2005 daeth 9 o drefi a phentrefi Ōno, Kuguno, Asahi, Kiyomi, Miya, Nyūkawa, Shōkawa, Takane, Yoshiki, Kokufu, a Kamitakara) at ei gilydd fel rhan o ehangiad fawr o'r ddinas. O ganlyniad, daeth Takayama yn ddinas mwyaf Japan (o ran arwynebedd), er mai dinas fechan wedi ei amgylchynu gan bentrefi a threfi gwledig ydyw mewn gwirionedd.

Flag Japan template.gif Eginyn erthygl sydd uchod am Japan. Gallwch helpu Wicipedia drwy ychwanegu ato