Sylvester Stallone

Oddi ar Wicipedia
Neidio i: llywio, chwilio
Sylvester Stallone yn 2012

Mae Sylvester Gardenzio Stallone (ganed 6 Gorffennaf, 1946) yn actor, cyfarwyddwr, cynhyrchydd a sgriptiwr Americanaidd a gafodd ei enwebu am Wobr yr Academi. Ef oedd un o actorion mwyaf poblogaidd y byd rhwng y 1970au a'r 1990au a symboleiddiodd gwryweidd-dra a arwriaeth actorion ffilmiau antur Hollywood. Chwaraeodd rannau dau gymeriad sydd bellach yn rhan o ddiwylliant Americanaidd; Rocky Balboa, y bocsiwr a oresgynodd amgylchiadau anodd er mwyn cariad ac anrhydedd, a John Rambo, milwr dewr a arbenigai mewn cynllwyniau o ddial ac achub bywydau pobl eraill.

Yn ystod y 1980au, bu Stallone yn hynod boblogaidd ac ef oedd un o ser actio mwyaf y byd yn sgîl ei gytundebau gyda'r rhyddfreintiau Rocky a Rambo. Newidiodd ffilmiau diwylliannol ddylanwadol Stallone hanes diwylliant pop ac yn gyffredinol mae ef wedi cael gyrfa lwyddiannus am y 30 mlynedd ddiwethaf.

Yn y ffilm Rocky, defnyddiodd Stallone risiau Amgueddfa Gelf Philadelphia ac arweiniodd hyn at yr ardal yn cael ei enwi'n The Rocky Steps. Yn sgîl ei boblogrwydd yn Philadelphia, rhoddwyd cerflun parhaol o gymeriad Rocky ger yr amgueddfa fel rhyw fath o gofeb ddiwylliannol.

Cofeb Rocky ger grisiau Amgueddfa Gelf Philadelphia
Baner United StatesEicon person Eginyn erthygl sydd uchod am Americanwr neu Americanes. Gallwch helpu Wicipedia drwy ychwanegu ato.