Soffocles

Cerflun o fardd, efallai Soffocles.

Dramodydd Groegaidd oedd Soffocles neu Sophocles (Groeg: Σοφοκλής) (ca. 495 CC–406 CC). Roedd yn un o dri trasiedydd mawr Athen, gyda Aeschylus ac Euripides. Mae saith o'i ddramâu wedi goroesi; yr enwocaf yw'r gyfres o dair drama am Oedipus ac Antigone.

Ganed ef yn Colonus Hippius yn Attica, ychydig o flynyddoedd cyn Brwydr Marathon, er bod yr union flwyddyn yn ansicr. Bu'n flaenllaw ym mywyd cyhoeddus Athen yn ogystal a bod yn ddramodydd.

Actor Groegaidd yn perfformio yn nrama goll Soffocles, Andromeda.

Gwaith Soffocles

Dramâu sydd wedi goroesi'n gyflawn

• Oedipus Frenin
• Oedipus yng Ngholonus
• Antigone
• Ajax
• Y Trachiniae
• Electra
• Philoctetes

Cyfieithiadau i'r Gymraeg

• Oidipus Frenin, un o'r Tair Drama Thebaidd gan Soffocles - cyfieithiad Euros Bowen (Y Drama yn Ewrop, Gwasg Prifysgol Cymru 1972)
• Oidipus yn Colonos, un o'r Tair Drama Thebaidd - cyfieithiad Euros Bowen (Dramâu'r Byd , Gwasg Prifysgol Cymru, 1979)
• Antigone, cyfieithiad W. J. Gruffydd (Gwasg Prifysgol Cymru, 1950)
• Electra, cyfieithiad Euros Bowen (Dramâu'r Byd , Gwasg Prifysgol Cymru 1984