Porth Madryn

Porth Madryn
Math	dinas, bwrdeistref, dinas fawr
Poblogaeth	115,353
Sefydlwyd	28 Gorffennaf 1865 ;
Cylchfa amser	UTC−03:00
Gefeilldref/i	Nefyn, Paola, Pisco, Puerto Montt
Daearyddiaeth
Sir	Biedma
Gwlad	Yr Ariannin
Arwynebedd	330 km²
Uwch y môr	17 metr
Cyfesurynnau	42.772967°S 65.03661°W
Cod post	U9120
	Ffeiliau perthnasol ar Comin
	[golygwch ar Wicidata]

Tref yn Nhalaith Chubut, yr Ariannin, yw Porth Madryn (Sbaeneg: Puerto Madryn). Roedd ganddi boblogaeth o 45,047 yn 1991 a oedd wedi tyfu i 57,571 yn 2001. Mae'r dref wedi'i gefeillio gyda Nefyn.

Daearyddiaeth

Saif Puerto Madryn ar lan y môr ar y Golfo Nuevo, y bae rhwng Gorynys Valdés a Punta Ninfas. I dwristiaid, mae'n bwysig fel y dref fwyaf cyfleus ar gyfer ymweliad a Gorynys Valdés, sy'n nodedig am ei adar a bywyd gwyllt arall. Mae'r hinsawdd yn sych ac yn oer, gyda rhwng 150 a 200 mm o wlybaniaeth y flwyddyn.

Hanes

Gwelwyd yr Ewropeaid cyntaf yn y cylch yn 1779 pan laniodd Juan de la Piedra. Sefydlwyd y dref ar y 28 Gorffennaf 1865 pan gyrhaeddodd 150 o Gymry yn y llong Mimosa. Hwy a roes yr enw "Porth Madryn" i anrhydeddu Love Jones-Parry o Fadryn a oedd wedi bod o gymorth mawr iddynt. Tyfodd y dref o ganlyniad i fewnfudwyr Cymreig, Sbaeneg ac Eidaleg adeiladu rheilffordd i'w chysylltu â Threlew.

Economi

Mae'r dref yn dibynnu yn bennnaf ar dri diwydiant, cynhyrchu alwminiwm, pysgota a thwristiaeth. Cyflogir tua 1,700 o weithwyr yn y gwaith ALUAR Aluminio Argentino. Yn yr haf mae llawer o dwristiaid yn dod i fwynhau'r traethau, tra yn y gaeaf trefnir teithiau o'r dref i weld morfilod, pengwiniaid a bywyd gwyllt arall.