Philip Seymour Hoffman
| Philip Seymour Hoffman | |
|---|---|
 Hoffman yn 81fed seremoni wobrwyo yr Academi ym mis Chwefror, 2009 |
|
| Geni | 23 Gorffennaf, 1967 Rochester, Efrog Newydd,  Unol Daleithiau America |
| Enwog am | Charlie Wilson's War, Doubt, Capote |
| Galwedigaeth | Actor, Cyfarwyddwr theatr |
Mae Philip Seymour Hoffman (ganed 23 Gorffennaf, 1967) yn actor a cyfarwyddwr ffilm a llwyfan Americanaidd.
Dechreuodd Hoffman ei yrfa actio proffesiynol ar y teledu ym 1991 a'r flwyddyn olynol dechreuodd actio mewn ffilmiau. Daeth yn adnabyddus yn sgîl yr ystod eang o gymeriadau a actiodd mewn rôl gefnogol mewn ffilmiau, a bu'n llwyddiannus ym myd y theatr hefyd. Cafodd ei enwebu am Wobr Tony am ei berfformiad yn True West (2000) a Long Day's Journey into Night (2003).
Enillodd Wobr yr Academi am yr Actor Gorau, Gwobr BAFTA am yr Actor Gorau mewn Prif Rôl, Gwobr Golden Globe am yr Actor Gorau - Ffilm Ddrama a Gwobr Cymdeithas yr Actorion Sgrîn am Berfformiad Eithriadol gan Actor Gwrywaidd mewn Prif Rôl am ei berfformiad fel Truman Capote yn Capote (2005). Canolmolwyd ei weithiau nesaf hefyd sef The Savages (2007) a Charlie Wilson's War (2007), ac fe'i enwebwyd am nifer o wobrau actio am ei waith yn y ffilm Doubt (2008).
