Jabal ad Duruz

Oddi ar Wicipedia
Neidio i: llywio, chwilio
Baner hanesyddol Jabal el Druze (talaith)

Mae Jabal ad Duruz (Arabeg: جبل الدروز, "Mynydd Druze"; a elwir hefyd yn Jabal el Arab, Arabeg: جبل العرب) yn ardal folcanig uchel yn ne Syria, yn nhalaith As Suwaydā (mohofazat Souweida). Ceir eira yno yn y gaeaf. Mae'r mwyafrif o'r trigolion yn bobl Druze, ond ceir cymunedau bychain o Gristnogion yn ogystal. Darganfuwyd arysgrifiadau Safaitig (math o broto-Arabeg a ddefnyddid gan y Bedouin ac eraill) am y tro cyntaf yn yr ardal hon. Bu'n dalaith hunanlywodraethol yn ystod Mandad Ffrengig Syria rhwng 1921 a 1936, dan yr un enw (Jabal el Druze (talaith)).

Daeareg[golygu]

Tell Qeni (1803 m), pwynt uchaf Jabal ad Duruz, yn y gaeaf

Gorwedd maes folcanig Jabal ad Duruz, y mwyaf deheuol yn Syria, ar lwyfandir Haurun-Druze yn ne-orllewin Syria ger y ffin â Gwlad Iorddonen. Ei bwynt uchaf yw copa 1803m Tell Qeni neu Jabal ad Duruz (neu Djebel Al-Arab, Jabal ed Duruz, Jabal ad Druze, Jabal al Druz, Jebel Duraz, Djebel ed Drouz). Gorlifodd y lafa o'r maes folcanig hwn i gyfeiriad y dwyrain i ffurfio tirwedd arbennig Diffeithwch Syria.

Copaon[golygu]

  • Tell Qeni 1803m
  • Tell Joualine 1732m
  • Tell Sleiman 1703m
  • Tell Qleib 1698m
  • Tell Abou-Hamra 1482m
  • Tell El-Ahmar 1452m
  • Tell Abed-Mar 1436m
  • Tell Khodr-Imtan 1341m
  • Tell Azran 1220m
  • Tell Shihan 1138m

Gweler hefyd[golygu]

Dolenni allanol[golygu]