Erzurum

Oddi ar Wicipedia
Neidio i: llywio, chwilio

Dinas yn ne-ddwyrain Twrci a chanolfan weinyddol y dalaith o'r un enw (Erzurum) yw Erzurum.

Mae'n gorwedd mewn llecyn strategaidd wrth droed mynyddoedd dwyrain Anatolia ar y briffordd rhwng Ankara, prifddinas Twrci, a Tehran, prifddinas Iran. Mae rheilffordd yn ei chysylltu ag Ankara ac Iran yn ogystal.

Hanes[golygu]

Ers canrifoedd mae Erzurum wedi bod yn faen clo i amddiffyn y wlad rhag ymosodiadau o'r dwyrain. Mae'n gorwedd ar gangen bwysig o Lwybr y Sidan ac rheolai ffordd y carafanau a'r fasnach dir rhwng Ewrop a'r Dwyrain Pell. O'r herwydd roedd gan nifer o wledydd Ewropeaidd eu cynrychiolwyr yno yn y gorffennol, e.e. Lloegr mor gynnar â 1690.

Adeiladau ac Atyniadau[golygu]

Nodweddir y ddinas gan nifer o adeiladau hardd iawn o gyfnod y Seljuciaid, yn eu plith mosg trawiadol y Çifte Minare a'r hen ysgol Islamaidd, y Yakutiye Medrese, a godwyd ym 1308. Sefydlwyd prifysgol Erzurum yn 1957.