Eretria

Oddi ar Wicipedia
Neidio i: llywio, chwilio
Eretria o'r awyr

Tref a chymuned ar ynys Euboea yng Ngwlad Groeg yw Eretria. Roedd y boblogaeth yn 5,969 yn 2001.

Yn y cyfnod cynnar, Eretria oedd dinas bwysicaf Euboea ar ôl Chalcis. Cefnogodd wrthryfel y Groegiaid Ionaidd yn erbyn Ymerodraeth Persia, ac o ganlyniad, dinistriwyd y ddinas yn 490 CC gan y cadfridogion Persaidd Datis ac Artaphernes. Ail-adeiladwyd y ddinas, a daeth yn rhan o Gynghrair Delos.

Yn 198 CC, dinistriwyd y ddinas eto, y tro hwn gan y Rhufeiniaid. Wedi hynny, collodd ei phwysigrwydd.