Eglwys Uniongred Ethiopia

Oddi ar Wicipedia
Neidio i: llywio, chwilio
Offeiriad o Eglwys Uniongred Ethiopia

Eglwys sy'n rhan o Eglwysi'r tri cyngor yw Eglwys Uniongred Ethiopia neu Eglwys Uniongred Tewahedo Ethiopia (Amhareg:Yäityop'ya ortodoks täwahedo bétäkrestyan). Roedd yn rhan o'r Eglwys Goptaidd hyd 1959, pan roddwyd iddi'r hawl i gael Patriarch ei hun gan Pab Cyril VI o Alexandria.

Mae Eglwys Uniongred Ethiopia yn un o'r ychydig eglwysi Cristnogol yn Affrica sydd a gwreiddiau yn mynd yn ôl ymhellach na'r cyfnod trefedigaethol. Cyfeiria Tewahedo at y gred yn un natur Crist (Monoffisiaeth), yn hytrach na natur ddynol a natur ddwyfol ar wahan. Yn 451 cynhaliwyd Cyngor Chalcedon dan nawdd yr Ymerawdwr Bysantaidd Marcianus, a gytunodd ar athrawiaeth "dwy natur mewn un person". Gwrthododd Patriarchiaid Alexandria, Antioch, a Jeriwsalem dderbyn hyn, gan ddechrau'r ymraniad rhwng Eglwysi'r tri cyngor a'r eglwysi eraill. Dywed Eglwys Uniongred Ethiopia ei bod wedi ei sefydlu gan yr eunuch oedd yn swyddog i Candace, brenhines Ethiopia, a fedyddiwyd gan Philip yr Efengylwr, digwyddiad a ddisgrifir yn Actau'r Apostolion.

Daeth Cristionogaeth Uniongred yn grefydd y wladwriaeth dan Ezana, brenin Axum yn y 4edd ganrif. Mae gan yr eglwys tua 38 miliwn o aelodau yn Ethiopia, tua hanner poblogaeth y wlad. Ceir hefyd eglwysi mewn gwledydd eraill, yn enwedig yr Unol Daleithiau.

Flag of Ethiopia.svg Eginyn erthygl sydd uchod am Ethiopia. Gallwch helpu Wicipedia drwy ychwanegu ato.
Cruz template.svg Eginyn erthygl sydd uchod am Gristnogaeth. Gallwch helpu Wicipedia drwy ychwanegu ato.