Delta Goodrem

Oddi ar Wicipedia
Neidio i: llywio, chwilio
Delta Goodrem
Delta Goodrem in Concert Cropped.jpg
Delta Goodrem
Gwybodaeth gefndirol
Enw genedigol Delta Lea Goodrem
Ganwyd (1984-11-09)

Tachwedd 9, 1984 (30 oed)

Man geni Baner Awstralia Sydney
Cerddoriaeth pop, baledi, R&B
Galwedigaeth(au) Cantor, cyfansoddwr, actor
Offeryn(au) cerdd Llais, piano, gitâr
Blynyddoedd 2000–
2005–2008
2008–
Label(i) recordio Sony BMG
Columbia Records
Mercury Records
Gwefan deltagoodrem.com

Actores, cantores a chyfansoddwraig Awstraliaidd yw Delta Lea Goodrem (ganwyd 9 Tachwedd, 1984). Mae wedi ennill nifer o wobrau, Gwobr ARIA a Gwobr Logie. Arwyddodd gytundeb gyda Sony yn 15 oed, ond daeth i'r amlwg yn 2002, drwy serennu yn yr opera sebon boblogaidd Neighbours fel Nina Tucker. Sefydlodd hyn ei gyrfa gerddorol rhyngwladol.[1] Mae ei cherddoriaeth fel arfer yn pop a baledi gyda'r piano yn ran pwysig o'r rhan fwyaf o'i chaneuon. Tra'n perfformio'n fyw mae fel arfer yn chwarae'r piano yn droednoeth. Mae wedi ei dylanwadu'n gryf gan gerddoriaeth gyfoes a cherddoriaeth dawns weithiau.[2]

Mae Goodrem wedi cael wyth sengl rhif un ARIA hyd yn hyn a sawl sengl yn y 10 uchaf yn siartiau'r Deyrnas Unedig. Rhyddhawyd ei halbwm gyntaf, Innocent Eyes, yn 2003, gan ei throi'n un o artistiaid benywaidd a oedd yn gwerthu orau yn Awstralia, gan dreulio 29 wythnos ar frig y siart[3] a gwerthu dros miliwn o gopïau yn Awstralia a 1.5 miliwn arall yn ryngwladol.[4] Aeth ei ddilyniant, Mistaken Identity, siartiau ARIA yn rhif un yn 2004, gan ennill statws multi-platinum. Mae wedi gwerthu 3.5 miliwn o albymau yn fyd eang hyd yn hyn.[5] Yn 2005, fe aeth Goodrem ar daith The Visualise Tour, ei chynger teithio cyntaf o Awstralia. Rhyddhaodd ei thrydedd albwm, Delta, ar 20 Hydref 2007 yn syth i rif un yn y siartiau unwaith eto.

Yn 2003, yn 18 oed, yng nghanol gyrfa a oedd yn blodeuo, cafodd Goodrem y ddiagnosis o Hodgkin's Lymphoma, ffurf o gancr. Mae wedi gwella ers hynnu ac yn treulio llawer o'i hamser yn hybu elusennau cancr.

Ffynonellau[golygu]

  1. Bywgraffiad ar ei gwefan swyddogol
  2. http://www.bignews.biz/?id=2132&keys=delta-goodrem-brian-mcfadden-australian-idol
  3. Herald Sun "Year of Delta's dawn" by Cameron Adams, 30 Rhagfyr 2003
  4. Herald Sun "Delta's Secret Video", 18 Chwefror 2007
  5. Datganiad i'r we ar ei gwefan swyddogol


Baner AustraliaEicon person Eginyn erthygl sydd uchod am Awstraliad. Gallwch helpu Wicipedia drwy ychwanegu ato.