Crai Khabarovsk

Oddi ar Wicipedia
Neidio i: llywio, chwilio
Baner Crai Khabarovsk.
Lleoliad Crai Khabarovsk yn Rwsia.

Un o ddeiliaid ffederal Rwsia yw Crai Khabarovsk (Rwseg: Хаба́ровский край, Khabarovsky kray; 'Khabarovsk Krai'). Canolfan weinyddol y crai (krai) yw dinas Khabarovsk. Poblogaeth: 1,343,869 (Cyfrifiad 2010).

Lleolir y crai yn rhanbarth gweinyddol Dosbarth Ffederal y Dwyrain Pell. Mae'r rhan fwyaf o'r crai yn gorwedd yn rhan isaf basn Afon Amur yn Nwyrain Pell Rwsia gyda rhan sylweddol arall ar arfordir mynyddog Môr Okhotsk, sy'n fraich o'r Cefnfor Tawel. Mae'n ffinio gyda Oblast Magadan yn y gogledd, Gweriniaeth Sakha ac Oblast Amur yn y gorllewin, gyda'r Oblast Ymreolaethol Iddewig, Gweriniaeth Pobl Tsieina, a Crai Primorsky yn y de, a glan Môr Okhotsk yn y dwyrain. Ceir tirwedd taiga a twndra yn y gogledd a fforestydd coed collddail yn y de.

Sefydlwyd Crai Khabarovsk ar 20 Hydref, 1938, yn yr hen Undeb Sofietaidd.

Dolenni allanol[golygu]

Comin Wikimedia
Mae gan Gomin Wikimedia gyfryngau sy'n berthnasol i:
Flag Russia template.svg Eginyn erthygl sydd uchod am Rwsia. Gallwch helpu Wicipedia drwy ychwanegu ato.