Colin Charvis

Oddi ar Wicipedia
Neidio i: llywio, chwilio
Colin Charvis (ail o'r chwith) yn casglu'r bêl, gyda Ian Gough (chwith) yn helpu, mewn gêm yn erbyn Lloegr

Chwaraewr rygbi'r undeb yw Colin Lloyd Charvis (ganed 27 Rhagfyr, 1972). Er iddo gael ei eni yn Sutton Coldfield, Lloegr, chwaraeodd dros Gymru fel blaenasgellwr neu wythwr.

Chwaraeodd dros Gymry Llundain cyn symud i Glwb Rygbi Abertawe. Pan symudwyd i rygbi rhanbarthol yn 2003, cafodd ei hun heb gontract, ac wedi cyfnod byr yn chwarae i Tarbes yn Ffrainc symudodd i Newcastle Falcons yn Lloegr, lle bu'n gapten y tîm. Ni adnewyddwyd ei gontract gan Newcastle ar ddiwedd tymor 2005-6, a dychwelodd i Gymru i chwarae i dîm rhanbarthol Dreigiau Casnewydd Gwent.

Ef sy'n dal record y byd am y nifer fwyaf o geisiau gan flaenwr mewn gemau rhyngwladol. Sgoriodd ei 22ain cais yn erbyn De Affrica ar 24 Tachwedd 2007.