Aulus Cremutius Cordus

Oddi ar Wicipedia
Neidio i: llywio, chwilio

Haneswr Rhufeinig oedd Aulus Cremutius Cordus neu Cremutius Cordius (bu farw 25 OC).

Cyfansoddodd Cremutius lyfr hanes a groniclodd deyrnasiad Augustus a'r rhyfeloedd cartref Rhufeinig. Ond pechodd yn erbyn Tiberius drwy gyfeirio at Cassius fel "yr Olaf o'r Rhufeinwyr" yn ei lyfr a dywedir iddo lwgu ei hun i farwolaeth mewn ofn.

Dinistriwyd ei gronicl ar orchymyn Tiberius, ond llwyddodd Marcia, merch Cremutius, i ddiogelu rhai copïau o'r testun. Ond erbyn heddiw mae'r testunau hynny ar goll hefyd.

Cyfeirir at yr hanesydd yng ngwaith Seneca'r Ieuaf, Tacitus a Suetonius, ac rydym yn dibynnu ar y dyfyniadau a'r wybodaeth a geir yn y llyfrau hynny am ein gwybodaeth am Cremutius ei hun a'i waith.