Arcadius

Oddi ar Wicipedia
Neidio i: llywio, chwilio
Arcadius. Cerflun yn Amgueddfa Archaeolegol Istanbul

Ymerawdwr Rhufeinig yn y dwyrain o 395 hyd 408 oedd Flavius Arcadius (377/378 - 1 Mai, 408).

Arcadius oedd mab hynaf yr ymerawdwr Theodosius I ac Aelia Flaccilla. Cyhoeddodd ei dad ef yn Augustus yn Ionawr 383, a chyhoeddwyd ei frawd iau, Honorius, yn Augustus hefyd yn 393.

Wedi dod yn ymerawdwr, roedd Arcadius dan reolaeth un o'i uchel swyddogion, Rufinus, tra'r oedd Honorius yn y gorllewin dan reolaeth Stilicho. Llofruddiwyd Rufinus yn 395, ond yna daeth Arcadius dan reolaeth Eutropius, nes i wraig Arcadius, Aelia Eudoxia, ei berswadio i ddiswyddo Eutropius yn 399. Gallodd Eudoxia hefyd ddiswyddo Ioan Chrysostom fel Patriarch Caergystennin yn 404, ond bu hi farw yr un flwyddyn.

Am y gweddill o'i fywyd, Anthemius, pennaeth Gard y Paretoriwm, oedd a'r gwir rym. Bu farw Arcadius yn 408, a dilynwyd ef gan ei fab Theodosius II.