Vänern
Llyn yn ne Sweden yw Vänern. Gydag arwynebedd o 5,655 km², Vänern yw'r llyn fwyaf yn Sweden, a'r trydydd fwyaf yn Ewrop. Saif yn Götaland, yn nhaleithiau Västergötland, Dalsland a Värmland.
Ffurfiwyd y llyn yn ystod yr oes ia ddiwethaf, tua 10,000 o flynyddoedd yn ôl. Mae 44 m uwch lefel y môr, ac yn 106 m yn ei fan dyfnaf. Yr afon fwyaf sy'n llifo i mewn iddo yw afon Klarälven, sy'n llifo i'r llyn ar yr ochr ogleddol, ger dinas Karlstad. Mae Göta älv, sy'n rhan o Gamlas Göta, yn llifo allan. Ceir diwydiant pysgota pwysig yma, ac mae pysgota hamdden hefyd yn boblogaidd.
Llyn Vänern o Hjortens Udde.
