Tim Rhys-Evans

Oddi ar Wicipedia
Jump to navigation Jump to search
Tim Rhys-Evans
Tim Rhys-Evans conducting at the AMIS Honor Choir 2019 in Beijing.jpg
Ganwyd 1972 Edit this on Wikidata
Tredegar Newydd Edit this on Wikidata
Dinasyddiaeth Baner Cymru Cymru
Galwedigaeth arweinydd Edit this on Wikidata
Gwobr/au MBE Edit this on Wikidata

Cyfarwyddwr cerdd Only Men Aloud yw Timothy Rhys-Evans (ganwyd Mehefin 1972). Mae'n fwyaf adnabyddus fel sylfaenydd a chyfarwyddwr cerdd y côr Only Men Aloud![1] ac Only Boys Aloud. Ffurfiodd y côr plant Only Kids Aloud yn 2012.[2]

Bywyd cynnar ac addysg[golygu | golygu cod y dudalen]

Fe'i magwyd yn Nhredegar Newydd a cychwynodd chwarae'r piano yn 5 oed, gan dangos ei ddoniau yn y capel. Aeth i Ysgol Gyfun Bedwellte yn Aberbargoed a chwaraeodd mewn band pres. Yn 14 oed, ffurfiodd ei gôr cyntaf gyda aelodau o sawl eglwys leol a roedd yn aelod o Gôr Iau Morgannwg Ganol. Roedd am fod yn gyfansoddwr ac aeth i astudio Cyfansoddi ym Mhrifysgol Caerdydd ond nid oedd at ei ddant. Aeth ymlaen i gael gwersi canu ac astudiodd gwrs Meistr ar ganu yng Ngholeg Brenhinol Cerdd a Drama Cymru.[3]

Gyrfa[golygu | golygu cod y dudalen]

Bu'n canu bariton yng nghorws cwmniau fel Opera de Lyon yn Ffrainc a Chwmni Opera Cenedlaethol Cymru cyn cael swydd fel hyfforddwr canu gyda Chôr Iau Cenedlaethol Prydain Fawr.[3]

Bu'n gyfarwyddwr cerdd gyda Cwmni Opera Cenedlaethol Cymru am 10 mlynedd[4] Bu hefyd yn diwtor llais yng Ngholeg Brenhinol Cerdd a Drama Cymru.[5] Mae wedi arwain sawl côr, yn cynnwys Corws Meibion y Mynydd Du a Cor Meibion Dynfant.[6] Sefydlodd Only Men Aloud! yn 2000[7] (adwaenir hefyd fel Cantorion) ac arweiniodd nhw i fuddugoliaeth yng nghystadleuaeth Last Choir Standing ar y BBC yn 2008.

Anrhydeddau[golygu | golygu cod y dudalen]

Yn Awst 2010, derbyniwyd Rhys-Evans i Orsedd y Beirdd yn Eisteddfod Blaenau Gwent, 2010. Mae'n gefnogwr o'r elusen Music in Hospitals Cymru/Wales. Fe'i wnaed yn MBE yn Anhrydeddau Pen-blwydd 2013 am ei wasanaeth i gerddoriaeth ac elusennau.[8]

Bywyd personol[golygu | golygu cod y dudalen]

Mae Tim mewn partneriaeth sifil gyda'r tenor Cymreig Alun Rhys Jenkins. Mae wedi trafod yn gyhoeddus ei brofiad gyda iselder a'i gyfnod mewn ysbyty seiciatrig yn 2013.[9]

Cyfeiriadau[golygu | golygu cod y dudalen]