System-gefnogi Bedair Coes
 | |
 Ffeiliau perthnasol ar Gomin Wicimedia |
Robot pedair coes ydyw LS3 neu System-gefnogi Bedair Coes; Saesneg: Legged Squad Support System; hefyd AlphaDog) a ddefnyddir er mwyn cludo arfau, bwyd, pwer trydan ayb i sgwadiau o filwyr ar flaen y gad. Mae'n chwarae rhan y march pwn cyn dyfodiad peiriannau. Mae'n ddatblygiad o brosiect gynharach o'r enw BigDog, ac fel ei ragflaenydd gall weithio o dan amgylchiadau anodd a chaled, gan gynnwys oerni a gwres eithafol, tir gwlyb a budur.[1][2]
Gall gario dros 400 pwys (180 kg) o offer a syhwyro'r tirwedd o'i gwmpas er mwyn fforio'n dawel o amgylch rhwystrau. O ran maint, mae'r LS3 yn debyg iawn i'r ceffyl. Mae ganddo ddau gamera, synhwyrydd golau, ac offer pellter (LIDAR) a gall ddilyn milwyr troed gan gofnodi popeth ar ei ffordd.
Hanes[golygu | golygu cod]
Cychwynwyd y gwaith o ailwampio BigDog ar 3 Rhagfyr 2009.[3] Erbyn yr ymarfer a gynhaliwyd yn 2012 roedd yn ddeg gwaith distawach na'i ragflaenwyr. Gallai gerdded ar gyflymder o 1 i 3 mya, a throtian dros greigiau garw, gallai loncian ar gyflymder o 5 mph ar dirwedd gymharol lefel.[4] Ceir dros 50 o 'synhwyryddion' gewahanol, y rhan fwyaf wedi'u lleoli ar ei goesau ac yn ei ben.
Erbyn Rhagfyr 2012 roedd yn ymateb i lais, gan fod trin i orchmynio o ap, gliniadur neu dabled yn anodd o dan amgylchiadau brwydr. Gallai ymateb i'r geiriau: "engine on" i'w godi ar ei draed, "follow tight" iddo ddilyn y milwr yn ôl ei droed, "follow corridor" iddo ddilyn o'i ben a'i bastwn ei hun, llwybr gwahanol i'r milwr, a'r un mwyaf effeithiol. Yn 2015 roedd y gwaith arno'n cynnwys ei wneud yn fwy abl a chwim ar ei bedair coes, yn enwedig drwy eira a thywod.[5] ac roedd yn cael ei ddefnyddio gan fyddin UDA.
Y nod, sydd bellach wedi'i gyrraedd, mae'n debyg yw LS3 a all gario 1,000 pwys (450 kg) o offer (cymaint ag y gall naw milwr cyffredin ei gario. Credir, bellach, hefyd fod cyflymder y march (neu'r cerbyd) wedi gwella'n arw, a'i fod yn medru teithio ar 4 kya (2.5 mya) am wyth awr, gan gynyddu ei gyflymder am gyfnodau byr - i 38kawr (24 mya) am bellter o 200 metr. Wrth i'r dechnoleg wella, bydd yn medru 'cerdded' i fyny llethr (ymlaen ac yn ôl) a hynny ar ogwydd o 30%, a 60% ar i lawr.[6]
Pan mae'n syrthio ar ei ochr, mae'n 'rhowlio' yn ôl ar ei fol ac yn codi ei hun.
Cyfeiriadau[golygu | golygu cod]
- ↑ Mandelbaum, Robert (October 2008). "Legged Squad Support System, Industry Day" (PDF). DARPA. Archifwyd o'r gwreiddiol (PDF) ar 2009-01-17. Cyrchwyd 2015-03-16.
- ↑ Schactman, Noah (Hydref 29, 2008). "Darpa Preps Son of Robotic Mule". Wired.
- ↑ "Legged Squad Support System (LS3) - Trade Studies - Solicitation Number: DARPA-BAA-08-71 ". DARPA. December 3, 2009.
- ↑ DARPA’s Four-Legged Robots Walk Out For Capabilities Demonstration Archifwyd 2012-09-22 yn y Peiriant Wayback. - Darpa.mil, September 10, 2012
- ↑ Watch Darpa’s Headless Robotic Mule Respond to Voice Commands - Wired.com, 19 Rhagfyr 2012
- ↑ UGV models face off over firepower, load carrying Archifwyd 2014-01-27 yn Archive.is - Armytimes.com, 12 October 2013
Dolen allanol[golygu | golygu cod]
- Fideo o BigDog mewn ymarferion Archifwyd 2015-02-15 yn y Peiriant Wayback.