Symbolaeth (celf)

Data cyffredinol
Enghraifft o'r canlynol	symudiad celf, cultural movement, mudiad llenyddol
Dechrau/Sefydlu	1857
Gwladwriaeth	Ffrainc, Gwlad Belg, Ymerodraeth Rwsia
Ffeiliau perthnasol ar Gomin Wicimedia

Hunanbortread gan Émile Bernard (1891)

Copa'r mynydd, gwaith arddull symbolaidd gan Cesare Saccaggi da Tortona.

Mudiad celf yn ail hanner y 19g, yn Ffrainc yn bennaf, oedd Symbolaeth. Tarddai o fudiad llenyddol Symbolaeth a arddelid gan feirdd Ffrengig oedd yn defnyddio iaith hynod o symbolaidd, llawn awgrymiadau ac arddull cynnil, i fynegi emosiynau'r unigolyn. Ymdrechai arlunwyr Symbolaidd, mewn modd tebyg, i gynrychioli neu ysgogi syniadau neu deimladau drwy arwyddion a throsiadau yn eu gwaith.

Datblygodd arluniaeth Symbolaidd mewn adwaith yn erbyn celf Realaidd ac Argraffiadaeth. Ffafriodd y Symbolwyr ffantasi a'r dychymyg yn hytrach na delweddaeth wrthrychol, ac yn y mudiad hwn mae gwreiddiau celf haniaethol. Buont yn tynnu ar themâu cyfriniaeth, yr ocwlt, a chwedloniaeth yn eu celf. Roedd yn gysylltiedig ag Esthetiaeth yn Lloegr a'r Unol Daleithiau. Ymhlith y prif arlunwyr Symbolaidd mae Gustave Moreau, Odilon Redon, a Pierre Puvis de Chavannes.