Swat

Oddi ar Wicipedia
Jump to navigation Jump to search
Swat
Mankial Swat valley 02.JPG
Math district of Pakistan Edit this on Wikidata
Daearyddiaeth
Sir Malakand Division Edit this on Wikidata
Gwlad Baner Pacistan Pacistan
Arwynebedd 5,337 km² Edit this on Wikidata
Yn ffinio gyda Buner District Edit this on Wikidata
Cyfesurynnau 34.7828°N 72.3619°E, 35.24°N 72.5°E Edit this on Wikidata
Gwleidyddiaeth
Corff deddfwriaethol District Council of Swat Edit this on Wikidata
Swydd pennaeth
  y Llywodraeth
Chairman of District Council Swat Edit this on Wikidata
Map o ogledd Pacistan sy'n dangos lleoliad Swat (melyn)

Dyffryn a dosbarth gweinyddol yw Swat a leolir yn Khyber Pakhtunkhwa (NFWP gynt), Pacistan, i'r dwyrain o'r Hindu Kush ac i'r de o'r Karakoram. Gorwedd gwaelod y dyffryn tua 60 km/100 milltir i'r gogledd-orllewin o Islamabad, prifddinas Pacistan. Tref Saidu Sharif yw'r ganolfan weinyddol, prifddinas y dosbarth, ond Mingora yw'r dref fwyaf. Roedd Swat yn dywysogaeth yn NWFP hyd 1969. Pashto yw prif iaith y mwyafrif o'r boblogaeth o 1,257,602.

Mae Swat yn rhan o ranbarth hanesyddol Malakand. Mae'n ardal o fynyddoedd uchel, gweirgloddiau gwyrdd, coedwigoedd a llynnoedd gydag Afon Swat yn rhedeg trwyddi; mewn canlyniad bu'n gyrchfan boblogaidd gan dwristiaid, o Bacistan a thramor, tan yn ddiweddar. Ond yn Rhagfyr 2008 cipwyd rhan helaeth Swat gan wrthryfelwyr y Taliban ym Mhacistan. Mae llawer o'r ardal yn cael ei rheoli y gwrthryfelwr Islamig Maulana Fazlullah a'i grŵp y Tehreek-e-Nafaz-e-Shariat-e-Mohammadi, sydd wedi cymryd camrau llym i gyflwyno cyfraith Sharia. Cafwyd cadoediad tri mis ar ddechrau 2009. Ar ddiwedd mis Ebrill 2009, ar ôl dod dan bwysau gan yr Unol Daleithiau, anfonodd llywodraeth Pacistan y fyddin i ymladd y Taliban yn Swat.

Dwyshaodd yr ymladd ar ddechrau mis Mai 2009. Adroddwyd fod miloedd o bobl yn ceisio ffoi o'r dyffryn wrth i Fyddin Pacistan ymosod o'r awyr ac ar dir ar rai o gadarnleoedd y Taliban. Ofnwyd bod "rhyfel agored" ar fin torri allan ac y byddai rhai cannoedd o filoedd yn gorfod ffoi.[1] Mae'r ymladd agored yma rhwng y fyddin a'r Taliban, yn Swat a rhannau eraill o'r NWFP, yn fygythiad pellach i sefydlogrwydd Pacistan.

Afon Swat yn llifo trwy'r dyffryn

Cyfeiriadau[golygu | golygu cod y dudalen]

Gweler hefyd[golygu | golygu cod y dudalen]