Steve Hansen

Oddi ar Wicipedia
Jump to navigation Jump to search
Steve Hansen
Steve Hansen KNZM (cropped).jpg
Ganwyd7 Mai 1959 Edit this on Wikidata
Invercargill Edit this on Wikidata
DinasyddiaethSeland Newydd Edit this on Wikidata
Alma mater
  • Taieri College Edit this on Wikidata
Galwedigaethchwaraewr rygbi'r undeb Edit this on Wikidata
Pwysau92 cilogram Edit this on Wikidata
Gwobr/auKnight Companion of the New Zealand Order of Merit‎, Cydymaith Urdd Teilyngdod Seland Newydd Edit this on Wikidata
Chwaraeon
Tîm/auCanterbury RFU Edit this on Wikidata
SafleCanolwr Edit this on Wikidata

Hyfforddwr rygbi'r undeb o Seland Newydd yw Steve Hansen (ganed 7 Mai 1959). Bu'n hyfforddwr tîm Cymru rhwng 2002 a 2004.

Ganed Hanesen yn Dunedin, a bu'n chwarae i dalaith Canterbury. Dechreuodd hyfforddi gyda Canterbury. Apwyntiwyd ef yn ddirpwy i Graham Henry pan ddaeth ef yn hyfforddwr Cymru. Ymddiswyddodd Henry yn 2002, a phenodwyd Hansen yn hyfforddwr. Ef oedd y nawfed hyfforddwr mewn 13 mlynedd. Yn ei gêm gyntaf fel hyfforddwr, yn erbyn Ffrainc, roedd perfformiad Cymru yn addawol, ond collwyd y gêm 37-33. Ym mhencampwriaeth 2003, collodd Cymru bob gêm, rhan o ddeg gem yn olynol a gollwyd.

Nid oedd disgwyliadau'n uchel ar gyfer Cwpan y Byd yn 2003. Er hynny, perfformiodd Cymru yn well na'r disgwyl. Er i Gymru golli i Seland Newydd yn eu grŵp, ystyrid y gêm yn un o oreuon y gystadleuaeth. Cyrhaeddodd Cymru y rownd nesaf, lle collasant mewn gêm gyffrous arall i Loegr, a aeth ymlaen i ennill y gystadleuaeth.

Ym mhencampwriaeth 2004, curwyd yr Alban a'r Eidal, ond collwyd y tair gêm arall, a gorffennodd Cymru yn bedwerydd yn y tabl. Ni adnewyddodd Hansen ei gontract fel hyfforddwr, a dewiswyd Mike Ruddock i'w olynu. Mae Hansen yn awr yn hyfforddi'r Crysau Duon yn Seland Newydd, fel cynorthwydd i Graham Henry.