Shane Summers

Oddi ar Wicipedia
Jump to navigation Jump to search
Shane Summers
Ganwyd 23 Mehefin 1936 Edit this on Wikidata
Yr Orsedd Edit this on Wikidata
Bu farw 1 Mehefin 1961 Edit this on Wikidata (24 oed)
Achos: damwain cerbyd Edit this on Wikidata
Brands Hatch Edit this on Wikidata
Dinasyddiaeth Baner Cymru Cymru
Galwedigaeth gyrrwr ceir cyflym, gyrrwr Fformiwla Un Edit this on Wikidata

Roedd Shane Lister Summers (23 Mehefin 1936 - 1 Mehefin 1961) yn yrrwr rasio Cymreig, a aned yn Yr Orsedd, Sir Ddinbych. [1] Er ei fod wedi rasio mewn Fformiwla Un, ni wnaeth erioed gymryd rhan mewn digwyddiad Pencampwriaeth y Byd. Roedd yn fab i'r gwleidydd Ceidwadol Spencer Summers .

Ym 1960, cafodd Summers tymor rasio llwyddiannus mewn car rasio Lotus 15 a baratowyd gan Terry Bartram, [2] ac am y tymor canlynol, penderfynodd Bartram ac ef rhoi cais ar rasio Fformiwla Un gyda car Cooper T53 newydd, rhif siasi F1-8-61. [3]

Yn ras agoriadol y tymor, Tlws Lombank, nad oedd yn rhan o'r Bencampwriaeth, fe wnaeth Summers, 24 oed, cymhwyso yn y ddegfed lle allan o 14 ymgeisydd, gan orffen yr wythfed safle, sef y safle cymhwyso olaf. Yr wythnos ganlynol fe gwblhaodd ras y Tlws Glover ar ôl cymhwyso eto yn y ddegfed safle. Wedi teithio i Ewrop ar gyfer y ddwy ras nesaf, gwrthodwyd iddo ddechrau ar Grand Prix Brwsel 1961 er iddo gyraedd y 12fed amser cyflymaf wrth gymhwyso, ond dechreuodd o'r rhes flaen yn Grand Prix Fienna. O'r ail safle ar y grid, rhedodd yn agos at y tu blaen nes i hongiad y car methu.

Gan ddychwelyd i'r DU, cystadleuodd Summers yn yr Aintree 200, gan gymhwyso 13eg o 28 o ddechreuwyr, a gorffen yn 12fed safle. Mis yn ddiweddarach enillodd ei ganlyniad gorau, gan orffen yn bedwerydd yn Nhlws Llundain. Fodd bynnag, yn ystod ymarfer yn y glaw ar gyfer ras Tlws y Silver City yn Brands Hatch, lladdwyd Summers pan aeth ei gar allan o reolaeth ar Gornel Paddock Hill trwy gael gwrthdrawiad a wal goncrit wrth fynedfa twnnel y pwll. [4]

Cyfeiriadau[golygu | golygu cod y dudalen]