Seljalandsfoss

Oddi ar Wicipedia
Neidio i: llywio, chwilio
Seljalandsfoss

Mae Seljalandsfoss yn rhaeadr yng Ngwlad yr Iâ.[1] Lleolir Seljalandsfoss yn Rhanbarth y De, wrth ymyl y brif ffordd sy'n amgylchynu'r ynys, Ffordd 1 ar hyd y ffordd sy'n arwain at Þórsmörk, Ffordd 249.[2] Ystyr yr enw yw rhaeadr Seljaland

Seljalandsfoss pronunciation

Cwympa'r rhaeadr 60m ac mae'n rhan o afon Seljalands sy'n tarddu yn rhewlif llosgfynydd Eyjafjallajökull.[3] Gall ymwelwyr gerdded y tu ôl i'r rhaeadr.[4] Dyma oedd y llosgfynydd enwog a ffrwydrodd yn 2010 gan achosi anhawsterau i awyrennau hedfan i Wlad yr Iâ.[5]

Dadlau[golygu | golygu cod y dudalen]

Rhaeadr

Yn 2017 achosodd cynlluniau i adeiladu canolfan wybodaeth 2000m sgwâr ac 8 metr o uchder ger y rhaeadr dadlau mawr ar yr ynys.[6] Dadleua'r gwrthwynebwyr y byddai'r datlygiad yn anharddu golygfa a natur yr ardal a'r atyniad.[6][7]

Ymweliadau Ysgolion[golygu | golygu cod y dudalen]

Tu ôl y rhaeadr

Mae Seljalandsfoss yn rhan o deithiau disgyblion ysgol o Gymru sy'n ymweld â Gwlad yr Iâ. Rhan o atyniad y rhaeadr yw fod modd i ymwelwyr sefyll y tu ôl iddi ac edrych trwy len y dŵr sy'n cwympo ar yr olygfa.

Diwylliant Poblogaidd[golygu | golygu cod y dudalen]

Roedd Seljalandsfoss ar hyd cymal cyntaf The Amazing Race 6.

Mae fideo swyddogol cân Justin Biebier, I'll Show You yn cynnwys lluniau o lagwns ac afonydd rhewlifau yn ne'r ynys gan gynnwys Seljalandsfoss.[8]


Cyfeiriadau[golygu | golygu cod y dudalen]

Dolenni[golygu | golygu cod y dudalen]