Saethu Michael Brown gan heddlu UDA

Oddi ar Wicipedia
Jump to navigation Jump to search
Cofeb dros dro i Michael Brown; 20 Awst

Saethwyd Michael Brown ar 9 Awst 2014 yn Ferguson, Missouri, un o faestrefi St. Louis. Bachgen 18-oed du oedd Michael Brown, ac fe'i saethwyd yn farw gan Darren Wilson, un o heddweision gwynion dinas Ferguson. Dilynwyd y digwyddiad hwn, a'r amgylchiadau amheus, gan brotestiadau ledled Unol Daleithiau America a gwledydd eraill. Bu hefyd yn sbardyn i drafodaethau ynghylch hawliau pobl dduon, y gyfraith a gor-ddefnydd grym heddweision. Ceir honiadau gan rhai carfanau fod y saethu'n llofruddiaeth.

Y digwyddiad[golygu | golygu cod y dudalen]

Darren Wilson yn dangos clais ar ei foch

Cerdded i lawr y stryd oedd Brown a'i gyfaill Dorian Johnson, pan yrrodd Wilson atynt yn ei gar a gorchymyn iddynt symud i'r pafin. Dechreuodd Brown a Wilson ddadlau gyda'i gilydd drwy'r ffenest agored a thaniodd Wilson ei wn. Rhedodd y ddau ddyn du i wahanol gyfeiriad a saethodd Wilson atynt sawl gwaith wrth iddynt ffoi. Taniodd 12 gwaith;[1] tarrodd 8 neu 9 o'i fwledi Brown.[2][3][4][5]

Roedd rhai tystion (i'r digwyddiad) yn hawlio fod dwylo Brown i fyny i ddangos ei fod yn ildio, ond roedd eraill yn gwadu hynny; dywedodd tystion eraill mai rhedeg tuag at Wilson yr oedd.

Ar ôl y digwyddiad[golygu | golygu cod y dudalen]

"Hands up! Don't shoot!" Slogan proteswyr ledled y byd

Canylyniad i'r saethu oedd aflonyddwch cymdeithasol yn Ferguson, yn bennaf gan fod y rhan fwyaf o bobl yn argyhoeddiedig mai ffoi oedd Brown ac yn rhannol oherwydd tensiwn ers tro rhwng y mwyafrif du o fewn cymuned y ddinas a'r heddlu - gyda'r mwyafrif ohonynt yn wyn.[6] Protests, both peaceful and violent, along with vandalism and looting, continued for more than a week, resulting in night curfews. Ar ben hyn, beirniadwyd ymateb yr heddlu i'r digwyddiad yn hallt gan y cyfryngau a gwleidyddion. Mynegwyd pryder fod yr heddlu wedi bod yn ansensitif, fod eu techneg yn rhy llawdrwm a'u dulliau'n rhy 'mfwrol'. Cafwyd nifer o brotestiadau heddychlon yn ystod yr wythnosau dilynol.

Ar 24 Tachwedd dywedodd Robert P. McCulloch, Prif Erlynydd St. Louis, Missouri i uchel-reithgor ymchwilio i'r mater a phenderfynu na ddylid erlyn Wilson. Cofrestrwyd aelodau'r uchel-reithgor ym Mai 2014 - cyn y saethu, ac roedd tri'n ddu a naw yn wyn.[7]

Ar 1 Rhagfyr 2014 cyhoeddodd yr Arlywydd Barack Obama y byddai llywodraeth ffederal y wlad yn gwario US$75 miliwn ar gamerau gwisg i heddweision, fel ymateb i saethu Brown.[6][8]

Cyfeiriadau[golygu | golygu cod y dudalen]

  1. Ffrangeg,Ferguson : la version du policier dévoilée , Les Échos, 25 Tachwedd 2014.
  2. Berkowitz, Bonnie; Johnson, Richard; Cameron, Darla; Schaul, Kevin; Robinson, Ian (26 Tachwedd 2014). "The confrontation: Different stories". http://www.washingtonpost.com/wp-srv/special/national/ferguson-grand-jury-findings/. Adalwyd 30 Tachwedd 2014.
  3. Curry, Colleen; Ghebremedhin, Sabina (18 Awst 2014). "Michael Brown Could Have Survived First 5 Shots, Last Shot Killed Him, Autopsy Says". Archifwyd o'r gwreiddiol ar 26 Tachwedd 2014. http://abcnews.go.com/US/michael-brown-survived-shots-shot-killed/story?id=25017247. Adalwyd 26 Tachwedd 2014.
  4. Tacopino, Joe (November 25, 2014). "Darren Wilson on why he shot Michael Brown". Archifwyd o'r gwreiddiol ar 25 Tachwedd 2014. http://nypost.com/2014/11/25/officer-darren-wilson-says-michael-brown-taunted-him/. Adalwyd 26 Tachwedd 2014.
  5. Robles, Frances; Bosman, Julie (17 Awst 2014). "Autopsy Shows Michael Brown Was Struck at Least 6 Times". http://www.nytimes.com/2014/08/18/us/michael-brown-autopsy-shows-he-was-shot-at-least-6-times.html. Adalwyd 21 Awst 2014.
  6. 6.0 6.1 Lowery, Wesley; Leonnig, Carol D.; Berman, Mark (August 13, 2014). "Even before Michael Brown's slaying in Ferguson, racial questions hung over police". http://www.washingtonpost.com/politics/even-before-teen-michael-browns-slaying-in-mo-racial-questions-have-hung-over-police/2014/08/13/78b3c5c6-2307-11e4-86ca-6f03cbd15c1a_story.html. Adalwyd August 24, 2014.
  7. Staff reports (22 Awst 2014). "Grand jury in Michael Brown case: 3 black members, 9 white". http://www.stltoday.com/news/local/crime-and-courts/grand-jury-in-michael-brown-case-black-members-white/article_6bbba56c-e28a-53d0-8b85-b20c36810fbd.html. Adalwyd 26 Awst 2014.
  8. "Obama Wants More Police Funding After Ferguson Unrest". December 1, 2014. http://www.voanews.com/content/president-obama-to-hold-white-house-meetings-about-ferguson/2540926.html. Adalwyd December 2, 2014.