Ruínas de San Domingos
| Ruínas de San Domingos | |
|---|---|
 | |
| Lleoliad | Pontevedra, Galisia |
| Cyfesurynnau | 42°25′52″N 8°38′49″W / 42.431198°N 8.646964°WCyfesurynnau: 42°25′52″N 8°38′49″W / 42.431198°N 8.646964°W |
| Enw swyddogol: Ruínas de San Domingos | |
| Llinyn mesur | Heneb |
| Dynodwyd | 1895 |
| Rhif | RI-51-0000070 |
Lleiandy oedd Ruínas de San Domingos sydd wedi'i leoli yn Mhontevedra, Galisia. Ychwanegwyd yr adeilad ar gofrestr o adeiladau hanesyddol y Bien de Interés Cultural yn 1895. Cychwynnwyd ar y gwaith o'i adnewyddu yn 1903 a daeth i ben yn 1947.[1]
Hanes[golygu | golygu cod]
Y rhannau gwreiddiol[golygu | golygu cod]
Dyma'r adeilad hynaf o holl adeiladau dinas Pontevedra. Mae'r prif gromfan - sydd wedi'i wneud o 5 cromfan llai - dyddio'r rhain i oddeutu 1282, fel y mae rhan o'r mur deheuol a'r fynedfa i gabidwl Lleiandy Santo Domingo. Mae'r rhannau eraill yn ddiweddarach, gyda llawer o'r adeiladau'n dyddio'n ôl i rhwng 1383 - 15g.[2]
1836-1880[golygu | golygu cod]
Yn dilyn deddfau newydd, caewyd y cwfaint ar 8 Rhagfyr 1836, pan gafodd ei drosglwyddo i gorff bwrpasol, sef y "Junta de Enajenación de Edificios y Efectos de los Conventos Suprimidos de la Provincia de Pontevedra" a defnyddiwyd yr adeilad fel gwallgofdy ac yna fel carchar i ferched. Yn 1869, caewyd y lle, a oedd bryd hynny'n cael ei ddefnyddio fel hosbis ac fe'i trosglwyddwyd i Santa Clara, ysgol i blant bach, a gweithgareddau amrywiol dan ofal y cyngor lleol. Dyna ddechrau dadfeilio'r adeilad ac erbyn 1846 defnyddiwyd rhai o gerrig y lleiandy fel wyneb ffordd leol. Yn 1864 dymchwelwyd un o'i gapeli a rhwng 1869 ac 1870 dymchwelwyd rhan uchaf y tŵr yng nghornel de-ddwyrain y lleiandy.
1880-1947[golygu | golygu cod]
Yng Ngorffennaf 1880 cytunodd y cyngor lleol i ddymchwel yr holl adeilad, ond daeth José Casal y Lois, aelod o'r Comisiwn Henebion, i'r adwy a chafwyd gorchymyn i atal y dymchwel. Cafwyd brwydr arall i'w ddymchwel chwe mlynedd yn ddiweddarach, ond unwaith eto, roedd yn aflwyddiannus.
Ar 14 Awst 1895 dynodwyd Ruínas de San Domingos yn Heneb Cenedlaethol a daeth o dan orchwyl y Comisiwn Henebion Cenedlaethol a defnyddiwyd yr adeilad gan Gymdeithas Archaeolegol Pontevedra a gynlluniodd i'w ddefnyddio fel amgueddfa.
_Cabecera.jpg)
