Rhyngrwyd pethau

Oddi ar Wicipedia
Jump to navigation Jump to search
Llun sy'n darlunio rhyngrwyd pethau

System lle mae dyfeisiau cyfrifiadurol, peiriannau mecanyddol a digidol, gwrthrychau, anifeiliaid neu bobl i gyd yn cydberthyn yw rhyngrwyd pethau[1] neu ryngrwyd y pethau. Mae gan y pethau hyn ddynodwyr unigryw (Saesneg: unique identifiers, UIDs) a'r gallu i drosglwyddo data dros rwydwaith heb angen rhyngweithio rhwng person a pherson neu berson a chyfrifiadur.[2][3][4][5]

Mae diffiniad rhyngrwyd pethau wedi esblygu ers i wahanol dechnolegau, dadansoddeg amser real, dysgu gan beiriannau, synwyryddion nwyddau a systemau wedi'u mewnblannu gydfeirio. Mae meysydd traddodiadol rhwydweithiau synwyryddion di-wifr, awtomatiaeth (gan gynnwys awtomatiaeth mewn cartrefi ac adeiladau eraill), systemau wedi'u mewnblannu, systemau rheoli ac eraill wedi cyfrannu at alluogi rhyngrwyd y pethau. Bydd defnyddwyr yn adnabod technoleg rhyngrwyd pethau gan amlaf yng nghyd-destun y "tŷ clyfar", sydd yn cynnwys dyfeisiau ac offer (er enghraifft, goleuadau, thermostatau, systemau a chamerâu diogelwch cartref) sy'n cefnogi un neu fwy o ecosystemau cyffredin ac sy'n gallu cael eu rheoli gan ddyfeisiau o fewn yr ecosystem honno, megis ffonau a seinyddion clyfar.

Mae pryder mawr gan rai ynghylch peryglon twf rhyngrwyd y pethau, yn enwedig o ran preifatrwydd a diogelwch, ac felly mae'r diwydiant a llywodraethau yn awr wedi dechrau edrych ar y pethau hyn.

Mae amcangyfrifon y bydd 200 biliwn o ddyfeisiau 200 yn cael eu cysylltu yn y dyfodol agos. Rhagwelir mai 80 biliwn o ddoleri fydd gwerth y farchnad.[6]

Cyfeiriadau[golygu | golygu cod y dudalen]

  1. http://termau.cymru/#Rhyngrwyd%20Pethau&sln=cy
  2. Rouse, Margaret (2019). "internet of things (IoT)". IOT Agenda. Cyrchwyd 14 August 2019.
  3. Brown, Eric (20 September 2016). "21 Open Source Projects for IoT". Linux.com. Cyrchwyd 23 October 2016.
  4. "Internet of Things Global Standards Initiative". ITU. Cyrchwyd 26 June 2015.
  5. Hendricks, Drew. "The Trouble with the Internet of Things". London Datastore. Greater London Authority. Cyrchwyd 10 August 2015.
  6. Toptal - Cartref Cartref Smart: Domestigi'r Rhyngrwyd Pethau
Icon-gears2.svg Eginyn erthygl sydd uchod am dechnoleg. Gallwch helpu Wicipedia drwy ychwanegu ato