Rheilffordd Northern Pacific
Roedd Rheilffordd Northern Pacific yn rheilffordd ar draws gogledd orllewin yr Unol Daleithiau, o Minnesota i’r arfordir gorllewinol. Cadarnhawyd y rheilffordd gan llywodraeth yr Unol Daleithiau ym 1864, a rhoddwyd 47 miliwn o aceri i’r rheilffordd.[1] Defnyddiwyd y tir i godi pres o Ewrop er mwyn adeiladu’r rheilffordd.
Dechreuodd gwaith adeiladu ym 1870 ac agorwyd prif linell y rheilffordd ar 8 Medi 1883 pan osodwyd ‘golden spike’ gan Ulysses S. Grant ym Montana. Roedd gan y rheilffordd linellau yn Idaho, Gogledd Dakota, Minnesota, Montana, Oregon, Talaith Washington a Wisconsin.[2] Roedd hefyn cangen i Winnipeg, Manitoba, Canada. Cariodd y rheilffordd cynnyrch fferm, pren a mwynau yn ogystal â theithwyr.
Pencadlys y rheilffordd oedd Brainerd, Minnesota ac yn hwyrach St Paul, Minnesota[3]. Unodd y rheilffordd gyda rheilffyrdd eraill ym 1970 i fod y Rheilffordd Burlington Northern[4], ac unodd gyda Rheilffordd Atchison, Topeka a Santa Fe i fod y Rhielffordd Burlington Northern a Santa Fe ym 1996.