Prifysgol Eberhard Karl Tübingen

Prifysgol Tübingen

Adeilad y Neuadd Newydd (Neue Aula).
Math	comprehensive university, prifysgol gyhoeddus, prifysgol ymchwil gyhoeddus, University of Excellence, cyhoeddwr mynediad agored
Enwyd ar ôl	Eberhard I, Duke of Württemberg, Duke Karl II Eugen, Duke of Württemberg
Sefydlwyd	1477
Daearyddiaeth
Rhan o'r canlynol	ELIXIR Germany
Sir	Tübingen
Gwlad	Yr Almaen
Cyfesurynnau	48.525°N 9.059°E
Cod post	72074
Sefydlwydwyd gan	Eberhard I, Duke of Württemberg
Ffeiliau perthnasol ar Comin

Prifysgol gyhoeddus a leolir yn Tübingen, Baden-Württemberg, yn ne-orllewin yr Almaen yw Prifysgol Tübingen, yn llawn Prifysgol Eberhard Karl Tübingen (Almaeneg: Eberhard Karls Universität Tübingen, Lladin: Universitas Eberhardina Carolina).

Sefydlwyd y brifysgol gan yr Iarll Eberhard VI ym 1477, wedi iddo gael blas ar y Dadeni Dysg pan aeth ar grwydr drwy'r Eidal. Daeth yn ganolfan i ddiwygwyr eglwysig a dinesig a syniadau newydd, yn enwedig ym maes diwinyddiaeth. Sefydlwyd y coleg diwinyddol Protestannaidd yno gan y Dug Ulrich ym 1534. Bu nifer o enwogion o amryw feysydd yn astudio yn Tübingen, gan gynnwys y diwygiwr Philipp Melanchthon, seryddwr Johannes Kepler, y bardd Friedrich Hölderlin, yr athronwyr G. W. F. Hegel a Friedrich Wilhelm Joseph Schelling, y diwinydd a dyngarwr Albert Schweitzer, y diwinydd Hans Küng, a'r Pab Bened XVI.

Cyrhaeddodd y brifysgol anterth ei henwogrwydd yng nghanol y 19g, fel cartref i Ysgol Tübingen, ysgol feddwl o ddiwinyddion Protestannaidd, yn eu plith Ferdinand Christian Baur. Tübingen oedd y brifysgol gyntaf yn yr Almaen i sefydlu cyfadran gwyddorau natur, ac hynny ym 1863. Cafodd athroniaethau Marcsaidd a Marcsiaeth–Leniniaeth le blaenllaw yn y brifysgol yn nechrau'r 20g. Bu'n rhaid i academyddion gydymffurfio â pholisïau'r llywodraeth Natsïaidd o 1933 hyd at 1945. Ailstrwythurwyd Prifysgol Tübingen ym 1970 yn ôl yr arfer Ffrengig, gan rannu'r brifysgol yn sawl adran annibynnol ar gyfer astudiaethau ac ymchwil.