Plaid Gweithwyr Corea

Data cyffredinol
Enghraifft o'r canlynol	plaid wleidyddol
Idioleg	Juche, Songun, Cenedlaetholdeb Coreaidd, ad-uno Corea
Dechrau/Sefydlu	30 Mehefin 1949
Pennaeth y sefydliad	Ysgrifennydd Cyffredinol
Sylfaenydd	Kim Il-sung
Rhagflaenydd	Plaid Gweithwyr Gogledd Corea
Pencadlys	Kim Il-sung Square
Enw brodorol	조선로동당
Gwladwriaeth	Gogledd Corea
Gwefan	http://www.rodong.rep.kp
Ffeiliau perthnasol ar Gomin Wicimedia

Plaid lywodraethol Gweriniaeth Pobl Ddemocrataidd Corea (Gogledd Corea) yw Plaid Gweithwyr Corea, a'r unig blaid wleidyddol swyddogol yn y wladwriaeth honno.

Hanes

Sefydlwyd Plaid Gweithwyr Corea dan arweiniad Kim Il-sung yn Awst 1946.

Yn niwedd y 1990au dechreuodd grym Plaid y Gweithwyr wanhau ychydig o ganlyniad i'r polisi sŏngun a gyflwynwyd gan Kim Jong-il, a wnâi ddyrchafu'r lluoedd arfog yn uwch na'r blaid. Fodd bynnag, mae'r blaid o hyd yn rheoli'r economi ac yn trefnu gweithgareddau cymdeithasol y bobl.

Trefniant ac aelodaeth

Awdurdod uchaf y blaid ydy'r gyngres, a arweinir gan bwyllgor canolog etholedig. Cynhaliwyd cyngres y blaid bob pum mlynedd hyd at y Bumed Gyngres ym 1970; ers hynny, cafwyd y Chweched Gyngres ym 1980 a'r Seithfed Gyngres yn 2016. Penderfynir ar bolisïau'r blaid gan y Biwro Gwleidyddol.

Yn swyddogol, mae aelodaeth Plaid Gweithwyr Corea yn agored i bob dinesydd. Mewn gwirionedd, mae'n rhaid i aelodau gydymffurfio â safonau o ran ffyddlondeb gwleidyddol a dosbarth cymdeithasol. Gweithwyr diwydiannol sydd yn cyfri am y nifer fwyaf o'r aelodau; yn ail, y gwerinwyr neu ffermwyr yw'r gyfran fwyaf, ac yna'r "deallusion" (gweithwyr swyddfa). Er gwaethaf ideoleg gomiwnyddol Gogledd Corea, mae aelodau Plaid y Gweithwyr yn derbyn breintiau wrth ddosbarthu bwyd, tai, a darpariaeth addysg.

Ideoleg a pholisi

Mae Plaid Gweithwyr Corea yn arddel Juche, ideoleg wladwriaethol Gogledd Corea, sydd yn cyfuno comiwnyddiaeth â chenedlaetholdeb.