Phocis

Lleoliad Phocis

Talaith (nomos) yng Ngwlad Groeg yw Phocis (Groeg: Φωκίδα, Hen Roeg: Φωκίς). Saif yng nghanolbarth Groeg, yn ymestyn o lethrau gorllewinol Mynydd Parnassus hyd fynyddoedd Vardousia ger Gwlff Corinth yn y gorllewin. Y brifddinas yw Amfissa, ac mae cymunedau eraill yn cynnwys Delphi, Galaxidi ac Itea.

Mae'n ardal fynyddig ac anfrwythlon, a dim ond 48,284 oedd poblogaeth y dalaith yn 2001. Ffinia ar Aetolia-Acarnania yn y gorllewin, Phthiotis yn y gogledd a Boeotia yn y dwyrain.