Penhwyad
| Penhwyad | |
|---|---|
| |
| Dosbarthiad gwyddonol | |
| Teyrnas: | Animalia |
| Ffylwm: | Chordata |
| Dosbarth: | |
| Urdd: | Esociformes |
| Teulu: | Esocidae |
| Genws: | Esox |
| Rhywogaeth: | E. lucius |
| Enw deuenwol | |
| Esox lucius Linnaeus, 1758 | |
Mae'r Penhwyad (Esox lucius) yn bysgodyn dŵr croyw sy'n gyffredin trwy rannau helaeth o Ewrop, Rwsia a Gogledd America. Fel rheol maent yn byw mewn llynnoedd lle mae digon o dyfiant yn y dŵr ac mewn afonydd lle mae'r llif yn araf. Gallant dyfu yn bur fawr; roedd y mwyaf a ddaliwyd hyd yn hyn, yn yr Almaen yn 1983, yn 31 kg (67 pwys). Benywaidd yw'r penhwyaid mwyaf bob amser; nid oes cofnod o bysgodyn gwrywaidd dros 8 kg.
Prif fwyd y Penhwyad fel rheol yw pysgod eraill, er y gall hefyd fwydo ar adar dŵr, yn enwedig y cywion, ar lyffantod ac ar famaliaid bychain. Fel rheol mae'n cuddio mewn tyfiant yn y dŵr i ddisgwyl i bysgodyn llai ddod yn ddigon agos i'w gipio.
Ym mha byllau neu lynnoedd y cafwyd/ceir penhwyad
[golygu | golygu cod]Mae Llyn Gelli Gain (Llugan ar lafar) ym mhlwy Trawsfynydd yn 1,300' o uchder uwchben y môr. Cafwyd penhwyad ynddo (fel Llyn Peic oeddan i'n nabod y lle fel plant).
