Pattaya

Traeth Pattaya

Dinas yng Ngwlad Thai ydy Pattaya. Fe'i lleolir ar arfordir dwyreiniol Gwlff Gwlad Thai, tua 165 km i'r de-ddwyrain o Bangkok. Mae'r ddinas wedi ei lleoli o fewn Amphoe Bang Lamung (Banglamung) yn nhalaith Chonburi.

Ardal fwrdiestrefol hunan-lywodraethus ydy Dinas Pattaya sy'n cynnwys Nong Prue a Na Kluea yn ogystal â rhannau o Huai Yai a Nong Pla Lai. Lleolir "Y Ddinas" yn yr ardal diwydiannol, ynghyd â Si Racha, Laem Chabang, a Chonburi. Mae ganddi boblogaeth o dros 100,000 (2007).

Mae Pattaya hefyd yn ganolfan ar gyfer Ardal Fetropolitanaidd Pattaya-Chonburi, y cytref yn Nhalaith Chonburi, ac mae ganddi boblogaeth o dros 1,000,000 (2010).