Olive Grace Walton

Oddi ar Wicipedia
Jump to navigation Jump to search
Olive Grace Walton
Ganwyd 1886 Edit this on Wikidata
Tonbridge Edit this on Wikidata
Bu farw 1937 Edit this on Wikidata
Dinasyddiaeth Baner Lloegr Lloegr
Galwedigaeth ymgyrchydd pleidlais i ferched, Swffraget Edit this on Wikidata

Ffeminist a swffragét o Loegr oedd Olive Grace Walton (ganwyd 1886) sy'n cael ei hystyried yn nodigedig am ei gwaith fel ymgyrchydd dros bleidlais i ferched.

Fe'i ganed yn Tonbridge yn 1886 yn ferch i fasnachwr gwinoedd, Charles Walton a'i wraig a oedd yn wreiddiol o Swydd Rhydychen. Bu i'r teulu fyw yn Ardenhurst, Tunbridge Wells.

Swffragét[golygu | golygu cod y dudalen]

Yn ôl y papur Suffrage Annual a gyhoeddwyd yn 1913 ymunodd Olive â'r National Union of Women's Suffrage Societies (NUWSS) yn Tunbridge Wells ym 1908 ac ymunodd ag Undeb Cymdeithasol a Gwleidyddol y Merched (sef y WSPU) ym Mawrth 1911. Daeth yn filwriaethus iawn ac roedd yn weithgar yn y WSPU lleol ac yn Llundain.

  • yn 1911 cafodd ei harestio fel rhan o ddirprwyaeth i Dŷ'r Cyffredin, ac yn dilyn achos llys, treuliodd wythnos yng Ngharchar Holloway.
  • ym Mawrth 1912, fe'i cyhuddwyd hi unwaith eto - y tro hwn o ddifrod maleisus (malicious damage) gan iddi dorri ffenestri siopau.
  • yn ddiweddarach cafodd ddedfryd o bedwar mis o garchar yng Ngharchar Aylesbury. Yn ystod y tymor hwn aeth ar streic newyn (ympryd) a gorfodwyd hi i fwyta.[1]

Ym Mawrth 1913 yn dilyn perfformiad gan gerddorfa yn y Tŷ Opera, yn Llundain aeth aeth hi a chyfaill iddi i guddio i'r rhan honno a ddefnyddir gan y gerddorfa. Arhosodd y ddwy yno tan y noson wedyn pan oedd cyfarfod pwysig o'r Rhyddfrydwyr yn yr adeilad. Thorrodd Walton ar draws y siaradwyr gan weiddi, "Pa bryd ydych am ddelio gyda'r mater o roi pleidlais i ferched?" Adroddwyd yn y papur lleol iddi gael ei chario allan o'r adeilad yn ddiseremoni.

Y Rhyfel Byd Cyntaf[golygu | golygu cod y dudalen]

Yn ystod y Rhyfel Byd Cyntaf ymunodd gyda'r Women Police Volunteers, ynghyd a sswffragetiaid eraill. Ar ddiwedd y Rhyfel, danfonwyd Inspector Walton' i Iwerddon lle bu'n gweithio yn erbyn y Gwyddelod, yn cynnal ymchwiliadau i'w gwaith ac yn ceisio canfod gwrthryfelwyr Gwyddelig.[2]

Cafodd ddamwain moto beic, lle cafodd anafiadau difrifol.

Aelodaeth[golygu | golygu cod y dudalen]

Bu'n aelod o'r Undeb Cenedlaethol dros yr Hawl i Fenywod Bleidleisio ac Undeb Cymdeithasol a Gwleidyddol y Merched am rai blynyddoedd.

Anrhydeddau[golygu | golygu cod y dudalen]


Cyfeiriadau[golygu | golygu cod y dudalen]

  1. kent.ac.uk; Adalwyd 4 Mai 2019.
  2. irishconstabulary.com; adalwyd 4 Mai 2019.