Nordkapp
 | |
 | |
| Math | bwrdeistref Norwy  |
|---|---|
| Prifddinas | Honningsvåg |
| Poblogaeth | 2,947 |
| Sefydlwyd |
|
| Pennaeth llywodraeth | Jan Olsen |
| Cylchfa amser | UTC+01:00 |
| Gefeilldref/i | Hollola |
| Daearyddiaeth | |
| Sir | Troms og Finnmark |
| Gwlad |  Norwy |
| Arwynebedd | 925.69 km² |
| Yn ffinio gyda | Måsøy, Porsanger, Lebesby |
| Cyfesurynnau | 71.01667°N 25.78333°E, 70.97808°N 25.97473°E |
| Swydd pennaeth y Llywodraeth | Maer Nordkapp |
| Pennaeth y Llywodraeth | Jan Olsen |
 | |
Ardal (kommune) yn nhalaith Finnmark yng ngogledd Norwy yw Nordkapp neu Penrhyn y Gogledd (Norwyeg Nordkapp neu Nordkapp kommune, Saami Davvinjárga neu Davvinjárgga gielda). Mae'r ardal yn cynnwys ynys Magerøya, ynghyd â rhannau o'r tir mawr i'r dwyrain ac i'r gorllewin o fjørd Porsangen. Honningsvåg, pentref pysgota yn ne-ddwyrain ynys Magerøya, yw'r prif dreflan. Pentrefi eraill yw Nordvågen, Kamøyvær, Skarsvåg a Gjesvær. Man enwoca'r ardal yw Nordkapp ei hun, penrhyn y gogledd, craig 307m yng ngogledd Magerøya.
Mae man mwyaf gogleddol Ewrop (heblaw am ynysoedd Arctig Norwy a Rwsia) yn gorwedd o fewn Nordkapp, yn Knivskjellodden. Mae hyn yn denu twristiaid i'r ardal — mae rhyw 200,000 yn ymweld bob blwyddyn.
Daeth y lle'n enwog pan hwyliodd y fforiwr Saesneg Richard Chancellor heibio iddo ar ei fordaith i ddarganfod ffordd ogleddol i Rwsia yn 1553. Daw'r enw o drosiad Norwyeg o'r Saesneg North Cape 'Penrhyn y Gogledd'. Knyskanes oedd yr enw Hen Norseg amdano. Enw gwreiddiol yr ardal (kommune) oedd Kjelvik, ar ôl pentref pysgota o'r un enw. Distrywiwyd y pentref gan luoedd Almaenig yn 1944, a chafodd ef mo'i ailadeiladu wedyn. Newidiwyd enw'r ardal i Nordkapp yn 1950.
