Ludovico Vicentino degli Arrighi

Ludovico Vicentino degli Arrighi
Ganwyd	c. 1475  Cornedo Vicentino
Bu farw	1527
Galwedigaeth	teipograffydd

Tudalen o La Operina Arrighi

Ysgrifennydd yn Llys y Pab a dylunydd teip yn ystod y Dadeni oedd Ludovico Vicentino degli Arrighi (tua 1475 – 1527?).

Ychydig a wyddys am ei fywyd. Tua 1510 roedd yn llyfrwerthwr yn Rhufain. Erbyn 1515 fe'i cyflogwyd fel ysgrifennydd yn y Cancelleria Apostolica (adran Llys y Pab) yn 1513. Yn 1522 creodd bamffled dylanwadol ar lawysgrifen italig o'r enw La Operina, sef y llyfr cyntaf a neilltuwyd i ysgrifennu'r sgript cancelleresca corsiva. Argraffwyd y gwaith hwn o 32 o dudalennau gan gyfres o dorluniau. Hwn oedd y cyntaf o sawl gyhoeddiad o'r fath.

Trodd at argraffu yn 1523. Sefydlodd gwmni argraffu gyda'r ysgythrwr a'r argraffydd Lautizio Perugino (Lautizio di Bartolomeo dei Rotelli). Dyluniodd Arrighi ei deipiau italig ei hun ar gyfer ei waith; efelychwyd y rhain yn helaeth. Gwerthfawrogwyd y gweithiau a argraffwyd gan y cwmni yn fawr gan y cerflunydd Benvenuto Cellini. Dyddiwyd ei argraffiad olaf ychydig cyn Anrhaith Rhufain (6 Mai 1527), pan laddwyd ef, yn ôl pob tebyg.

Gweithiau

• La operina di Ludouico Vicentino, da imparare di scriuere littera cancellarescha (Rhufain, 1522)
• Il modo de temperare le penne con le uarie sorti de littere ordinato per Ludouico Vicentino (Rhufain, 1523)

Dolenni allanol

• La operina di Ludouico Vicentino, da imparare di scriuere littera cancellarescha, argraffiad cyntaf (1522) yn Llyfrgell y Gyngres
• Il modo de temperare le penne con le uarie sorti de littere ordinato per Ludouico Vicentino, argraffiad cyntaf (1523) yn Llyfrgell y Gyngres