Llongau Caernarfon (cân)

Oddi ar Wicipedia
Jump to navigation Jump to search

Cân werin draddodiadol yw Llongau Caernarfon.

Rhan agoriadol y gân werin Llongau Caernarfon, yn cael ei chanu gan Hogia'r Wyddfa.

Mae'r gân hon y cael ei chanu gan fachgen ifanc o Gaernarfon ('Cnarfon; ar lafar).

Mae'n darlunio ei ddyheadau i gael mynd yn forwr, ryw ddiwrnod. Mae'r fachgen ifanc yn sefyll yn y cei gyda pherson arall gan ofyn iddi pam na chai fynd yn forwr.

Ysgrifennwyd y gân gan John Glyn Davies (1870 – 1953) a chanwyd hi gan lawer o unigolion a grwpiau. Recordiwyd y gân gan y band Sobin a'r Smaeliaid yn 2000 ar albwm 'A Rhaw'.

Geiriau[golygu | golygu cod y dudalen]

Mae'r holl longau wrth y cei yn llwytho

Pam na chawn i fynd fel pawb i forio.

Dacw dair yn dechrau warpio

Ac am hwylio heno

Birkinhead, Bordo a Wiclo.'

Toc daw'r stemar bach i douio

Golau gwyrdd ar waliau wrth fynd heibio.

Pedair llong wrth angor yn yr afon

Aros teit i fynd tan Gastell C'narfon

Dacw bedwar goleu melyn

A rhyw gwch ar gychwyn

Clywed swn y rhwyfau wedyn

Toc daw'r stemar bach i douo

Goleu coch ar waliau wrth fynd heibio.

Llongau'n hwylio draw a llongau'n calyn

Heddyw fory ac yfory wedyn

Mynd a'u llwyth o lechi gleision

Dan eu hwyliau gwynion

Rhai i Ffrainc a rhai i'r Werddon

O na chown i fynd ar f'union

Dros y môr a hwylion ôl i G'narfon.

Holaf ym mhob llong ar hyd yr harbwr

Oes 'na le i hogyn fynd yn llongwr

A chael spleinsio rhaff a rhiffio

A chael dysgu llywio

A chael mynd mewn cwch i sgwlio.

O na chawn i fynd yn llongwr

A'r holl longau'n llwytho yn yr harbwr.[1]

Cyfeiriadau[golygu | golygu cod y dudalen]

  1. Edwards, Meinir Wyn (2012). 100 o Ganeuon Gwerin. Y Lolfa. p. 61. ISBN 978-1-84771-599-9.
Cerddcymru.png Eginyn erthygl sydd uchod am gerddoriaeth Cymru. Gallwch helpu Wicipedia drwy ychwanegu ato