Lloergan
 | |
| Enghraifft o'r canlynol | gwaith neu gyfansodiad cerddorol  |
|---|---|
| Dyddiad cyhoeddi | 1802 |
| Dechrau/Sefydlu | 1801 |
| Statws hawlfraint | parth cyhoeddus |
| Cyfansoddwr | Ludwig van Beethoven |
 Ffeiliau perthnasol ar Gomin Wicimedia | |
Sonata adnabyddus i'r piano gan Ludwig van Beethoven yn llonnod C leiaf, yw Sonata Rhif 14 i'r Piano, sy'n cael ei galw fel arfer yn Lloergan. Ysgrifennodd Beethoven hi ym 1801 a'i chyflwyno ym 1802 i un o'i ddisgyblion, yr Iarlles Giulietta Guicciardi. Mae'r enw poblogaidd Lloergan wedi'i seilio ar sylw a wnaed gan feirniad yn ddiweddarach, ar ôl marwolaeth Beethoven.[1]
Mae Lloergan yn un o gyfansoddiadau mwyaf poblogaidd Beethoven ar gyfer y piano, ac roedd yn ffefryn poblogaidd hyd yn oed yn ystod ei fywyd. Cyfansoddodd Sonata Rhif 14 yn ei dridegau cynnar ar ôl gorffen darn o waith comisiwn; nid oes tystiolaeth mai cael ei gomisiynu i ysgrifennu'r darn a wnaeth.
Mae tri symudiad i'r sonata:
- Adagio sostenuto
- Allegretto
- Presto agitato
Dechrau'r Adagio sostenuto yw rhan enwoca'r Sonata, sydd wedi'i ddefnyddio'n helaeth ym myd hysbysebion a ffilmiau:
Cyfeiriadau[golygu | golygu cod]
- ↑ Jones, Timothy. Beethoven, the Moonlight and other sonatas, op. 27 and op. 31. Gwasg Prifysgol Caergrawnt, pp. 19, 43 (Saesneg)