José Agustín

Oddi ar Wicipedia
Jump to navigation Jump to search
José Agustín
MEX AN LECTORES DE LA FERIA (11872934135).jpg
Ganwyd 19 Awst 1944 Edit this on Wikidata
Acapulco Edit this on Wikidata
Dinasyddiaeth Mecsico Edit this on Wikidata
Galwedigaeth Cyfeiriadedd rhywiol, Dramodydd, newyddiadurwr, Cyfarwyddwr ffilm Edit this on Wikidata
Priod Margarita Dalton Edit this on Wikidata
Gwobr/au Cymdeithas Goffa John Simon Guggenheim, Gwobr Genedlaethol y Celfyddydau a Gwyddorau, Gwobr Lenyddiaeth Mazatlan Edit this on Wikidata

Nofelydd, ysgrifwr, a sgriptiwr Mecsicanaidd yn yr iaith Sbaeneg yw José Agustín Ramírez Gómez (ganwyd 19 Awst 1944) a oedd yn un o brif lenorion mudiad La Onda yn niwylliant Mecsico.

Ganwyd yn Acapulco, Guerrero, ac astudiodd yn Universidad Nacional Autónoma de México (UNAM) ac yn Centro Mexicano de Escritores.[1]

Ymhlith ei nofelau mae La tumba (1964), De perfil (1966), Se está haciendo tarde (final en laguna) (1973), Círculo vicioso (1974), Ciudades desiertas (1982), a Cerca del fuego (1986). Mae ei ffuglen yn adlewyrchu gwerthoedd, neu wrthwerthoedd, gwrthddiwylliant y 1960au trwy amharch tuag at yr awdurdodau ac uchel ddiwylliant Mecsico, ac yn nodweddiadol o lenyddiaeth La Onda yn ei defnydd o iaith y ddinas a themâu trais, dirywiad trefol, cerddoriaeth roc, cyffuriau, a diwylliant y stryd. Ymhlith ei lyfrau eraill mae'r hunangofiant El rock de la cárcel (1985) a'r casgliad o ysgrifau La nueva música clásica (1985). Cyhoeddodd El viejo y el mar, cyfieithiad o The Old Man and the Sea gan Ernest Hemingway, yn 1994.[1]

Mae ei waith diweddarach yn tynnu ar seicoleg Jung i ddadansoddi'r argyfyngau gwleidyddol ym Mecsico.[2] Mae hefyd wedi ysgrifennu nifer o sgriptiau ar gyfer teledu a'r sinema, a thair chyfrol am hanes cyfoes Mecsico: Tragicomedia mexicana 1: La vida en Mexico de 1940 a 1970 (1990), Tragicomedia mexicana 2: La vida en Mexico de 1970 a 1982 (1992), a Tragicomedia mexicana 3: La Vida en mexico de 1982 a 1994 (1998).[3]

Cyfeiriadau[golygu | golygu cod y dudalen]

  1. 1.0 1.1 (Saesneg) José Agustín. Encyclopædia Britannica. Adalwyd ar 19 Awst 2019.
  2. Cynthia Steele, "Agustín, José" yn Encyclopedia of Latin American and Caribbean Literature 1900–2003, golygwyd gan Daniel Balderston a Mike Gonzalez (Llundain: Routledge, 2004), t. 5.
  3. (Saesneg) Cynthia Steele, "Augstín, José (1944–)" yn Encyclopedia of Latin American History and Culture (Gale, 2008). Adalwyd ar 19 Awst 2019.

Darllen pellach[golygu | golygu cod y dudalen]

  • Ana Luisa Calvillo, José Agustín: Una biografía de perfil (Dinas Mecsico: Blanco y Negro Editores, 1998).
  • June C. D. Carter a Donald L. Schmidt (goln), José Agustín: Onda and Beyond (Columbia, Missouri: University of Missouri Press, 1986).
  • Joong Kim Lee, Cultura y sociedad de México en la obra de José Agustín (Guadalajara: Universidad de Guadalajara, 2000).