James Price William Gwynne-Holford

Oddi ar Wicipedia
Jump to navigation Jump to search
James Price William Gwynne-Holford
Ganwyd1833 Edit this on Wikidata
Llansantffraed Edit this on Wikidata
Bu farw1916 Edit this on Wikidata
DinasyddiaethBaner Cymru Cymru
Alma mater
Galwedigaethgwleidydd Edit this on Wikidata
SwyddAelod o 21ain Senedd y Deyrnas Unedig, Aelod o 20fed Senedd y Deyrnas Unedig Edit this on Wikidata
Plaid WleidyddolY Blaid Geidwadol Edit this on Wikidata
Arfbais Gwynne-Holford

Roedd James Price William Gwynne-Holford (25 Tachwedd 18336 Awst 1916) yn wleidydd Cymreig a wasanaethodd fel Aelod Seneddol Ceidwadol Aberhonddu rhwng 1870 a 1880[1]

Bywyd Personol[golygu | golygu cod y dudalen]

Ganwyd Gwynne-Holford yn Llansantffraed, Aberhonddu yn fab i'r Cyrnol James Price Gwynne-Holford, Neuadd Buckland a’i wraig Anna Maria Eleanor merch, Roderick Gwynne, Glebran. Bu farw’r tad ym 1844[2].

Priododd Eleanor Gordon-Canning ym 1891 yn eglwys St James, Hanover Square, Llundain[3]. Bu iddynt un ferch.

Cafodd ei addysgu yng Ngholeg Eton a Choleg Eglwys Crist, Rhydychen.

Gyrfa[golygu | golygu cod y dudalen]

Bu Gwynne-Holford yn gwasanaethu am gyfnod byr fel Cornet yng Nghatrawd y Gwaywyr. Wedi hynny bu’n cynorthwyo ei fam i redeg ystadau Buckland a’r Cilgwyn, Caerfyrddin. Etifeddodd yr ystadau ar farwolaeth ei fam ym 1888.[4]

Gwasanaethodd fel ynad heddwch ar feinciau Sir Gaerfyrddin a Sir Frycheiniog. Gwasanaethodd fel Uchel Siryf Frycheiniog ym 1857.

Gyrfa wleidyddol[golygu | golygu cod y dudalen]

Ym 1870 dyrchafwyd Edward, yr Arglwydd Hyde, AS Rhyddfrydol Aberhonddu i Dŷ’r Arglwyddi. Safodd Gwynne-Holford yn yr isetholiad i ganfod olynydd iddo gan gipio’r sedd i’r Ceidwadwyr. Llwyddodd i gadw'r sedd yn etholiad cyffredinol 1874 ond fe’i collodd i’r Rhyddfrydwr Cyril Flower yn etholiad cyffredinol 1880[5]..

Rhwng 1888 a 1896 gwasanaethodd fel cynghorydd ar Gyngor Sir Frycheiniog.

Marwolaeth[golygu | golygu cod y dudalen]

Eglwys St Ffraid

Bu farw yng Nghrucywel yn 83 Mlwydd oed. Rhoddwyd ei weddillion i orwedd ym meddgor y teulu yn Eglwys St Ffraid, Llansantffraed[6].

Cyfeiriadau[golygu | golygu cod y dudalen]

  1. Debrett's House of Commons, and the judicial bench 1872 adalwyd 28 Awst 2017
  2. "FUNERAL OF LIEUTENANT COLONEL GWYNNE HOLFORD - Monmouthshire Merlin". Charles Hough. 1846-08-22. Cyrchwyd 2017-08-28.
  3. "MARRIAGE OF MR GWYNNE-HOLFORD AND MISS E GORDON-CANNING - South Wales Daily News". David Duncan and Sons. 1891-04-15. Cyrchwyd 2017-08-28.
  4. "THE LATE MR GWYNNE-HOLFORD - The Brecon County Times Neath Gazette and General Advertiser for the Counties of Brecon Carmarthen Radnor Monmouth Glamorgan Cardigan Montgomery Hereford". William Henry Clark. 1916-02-10. Cyrchwyd 2017-08-28.
  5. Williams, William Retlaw, The parliamentary history of the principality of Wales, from the earliest times to the present day, 1541-1895 adalwyd 27 Awst 2017
  6. "THE LATE MR GWYNNE HOLFORDI - The Cambria Daily Leader". Frederick Wicks. 1916-02-11. Cyrchwyd 2017-08-28.
Senedd y Deyrnas Unedig
Rhagflaenydd:
Edward, yr Arglwydd Hyde
Aelod Seneddol Aberhonddu
1870-1880
Olynydd:
Cyril Flower