Jalisa Andrews
| Jalisa Andrews | |
|---|---|
| Ganwyd | 1994  Port Talbot |
| Dinasyddiaeth |  Cymru |
Actores a chantores o Gymraes yw Jalisa Andrews (ganwyd 1994).
Bywyd cynnar ac addysg[golygu | golygu cod]
Ganwyd a magwyd Jalisa Eiluned Catherine Andrews ym Mhort Talbot. Mae ei mamgu yn hannu o Jamaica ac fe symudodd i Gymru yn 1959/1960.
Aeth Jalisa i Ysgol Gymraeg Ystalyfera Bro Dur ac fe'i magwyd yn siarad Cymraeg gyda'i mamgu a dadcu.[1]
Aeth i Ysgol Lwyfan Mark Jermin lle'r oedd yn canu a dawnsio. Enillodd ysgoloriaeth i astudio theatr gerdd yng ngholeg Laine Theatre Arts, Epsom, gan raddio yn 2016.[2]
Gyrfa[golygu | golygu cod]
Ers gadael y coleg bu'n perfformio mewn nifer o sioeau cerdd a phantomeimau. Cymerodd ran yng nghyfres 'camera cudd' Wyt Ti’n Gêm ar S4C yn 2017.
Yn 2019, perfformiodd yn y ddrama deledu The Left Behind a gynhyrchwyd ar gyfer BBC Three a'i ddangos ar BBC One.[3]
Yn Hydref 2020 i ddathlu Mis Hanes Pobl Dduon, ymddangosodd yng nghyfres Chwedloni yn adrodd stori ei theulu a sut maen nhw wedi rhoi cyfleoedd bywyd iddi.[4]
Bywyd personol[golygu | golygu cod]
Priododd Ebony Roberts ym mis Mawrth 2020, yn Abertawe.[5][6] Mae'r cwpl yn rhedeg gwersi drama 'Academy Arts' ym Mhort Talbot.[7]
Cyfeiriadau[golygu | golygu cod]
- ↑ "Why are people surprised that I speak Welsh?". BBC Wales (12 Chwefror 2020). Adalwyd ar 18 Hydref 2020.
- ↑ Spotlight: JALISA ANDREWS. Spotlight. Adalwyd ar 18 Hydref 2020.
- ↑ On making The Left Behind: 'We've plugged into the mains' (9 Gorffennaf 2019). Adalwyd ar 18 Hydref 2020.
- ↑ Chwedloni: Jalisa Andrews. S4C (8 Hydref 2020). Adalwyd ar 18 Hydref 2020.
- ↑ Rise in lenders valuing homes below sale price , BBC News, 22 Gorffennaf 2018. Cyrchwyd ar 18 Hydref 2020.
- ↑ "Iv just married the love of my life and I couldn’t be happier @itsebonyphoenix Swansea waterfront museum, Saturday the 14th of March 2020" (15 Mawrth 2020). Adalwyd ar 18 Hydref 2020.
- ↑ Ty'r Cwmniau - ACADEMY ARTS BY EBONY & JALISA LTD. Tr; Cwmniau. Adalwyd ar 18 Hydref 2020.
Dolenni allanol[golygu | golygu cod]
- Jalisa Andrews ar wefan Internet Movie Database
- Jalisa Andrews ar Twitter