Hufen

Oddi ar Wicipedia
Hufen
Mathcynnyrch llaeth Edit this on Wikidata
Tudalen Comin Ffeiliau perthnasol ar Gomin Wicimedia

Mae hufen yn gynnyrch llaeth a ddaw o'r haenen sydd yn cynnwys lefel uwch o fraster menyn oddi ar dop llefrith cyn iddo gael ei homogeneiddio. Bydd y braster sy'n ysgafnach na'r hylif yn codi i dop y botel dros gyfnod o amser, mewn llefrith sydd heb gael i homogeneiddio. Cyflymir y broses hon yn y ddiwydiant cynhyrchu gan ddefnyddio allgyrchydd a gaiff ei alw'n "wahanwyr". Gwerthir hufen ar sail y cynnwys braster mewn nifer o wledydd. Gall hufen gael ei sychu i ffurf powdr ar gyfer ei allforio i farchnadoedd pell.

Yn aml, mae hufen a gynhyrchir gan wartheg (yn arbennig gwartheg Jersi) sy'n pori ar borfa naturiol, yn cynnwys rhai pigmentau carotenyn sy'n deillio o'r planhigion maent yn eu bwyta; mae hyn yn rhoi lliw melyn golau i'r hufen, a dyna beth roddir yr enw i'r lliw hufen. Gwyn yw'r hufen a gynhyrchir gan wartheg sy'n gael eu bwydo dan do, ar rawn neu belenni sydd wedi eu creu o rawn.

Hufen sengl

Mathau o hufen[golygu | golygu cod]

Diffinnir y gwahanol fathau o hufen yng ngwledydd Prydain yn gyfreithiol fel yr isod[1]:

Enw Isafswm
braster
Diffiniad ychwanegol Prif defnydd
Hufen tolch 55% wedi ei drin gyda gwres Gyda sgon a jam
Hufen dwbl 48% yn chwipio orau, ar gyfer pwdinau, gall cael ei beipio
Hufen chwipio 35% yn chwipio'n dda ond yn ysgafnach
Hufen chwisgiedig 35% wedi cael ei chwipio
Hufen wedi ei sterileiddio 23% wedi ei sterileiddio
Hufen sengl 18% heb ei sterileiddio yn cael ei arllys ar bwdinau neu mewn coffi
Hufen hanner wedi ei sterileiddio   12% wedi ei sterileiddio
Hufen hanner 12% heb ei sterileiddio defnyddir mewn coffi yn unig

Cyfeiriadau[golygu | golygu cod]

  1. The Cheese and Cream Regulations 1995 (SI 1995 No. 3240) ISBN 0110538536

Gweler hefyd[golygu | golygu cod]

Chwiliwch am hufen
yn Wiciadur.