Homeopathi

Oddi ar Wicipedia
Jump to navigation Jump to search
Homeopathi
Hahnemann.jpg
Samuel Hahnemann dyfeisydd homeopathi
Data cyffredinol
Dynodwyr
Freebase /M/03pkm edit this on wikidata
Thesawrws y BNCF 3642&Nbsp;edit this on wikidata
Quora Homeopathy edit this on wikidata
Arall
Commons page Ffeiliau perthnasol ar Gomin Wicimedia

Mae homeopathi yn feddyginiaeth gydrannol neu amgen (CAM). Dyfeisiwyd homeopathi yn y 1790au gan feddyg o'r Almaen o'r enw Samuel Hahnemann.[1]

Cysyniad[golygu | golygu cod y dudalen]

Mae triniaeth homeopathi yn seiliedig ar y cysyniad bod tebyg yn gwella tebyg. Mae'n defnyddio'r egwyddor y gall y corff oresgyn salwch os rhoddir dosau gwan o sylwedd i glaf a fyddai, ar gryfder llawn yn cynhyrchu symptomau'r salwch. Yn ymarferol, mae hyn yn golygu bod meddyginiaethau homeopathi yn cael eu creu trwy wanhau cynhyrchion planhigion ac echdyniadau anifeiliaid fel bod lefel terfynol y cyffuriau gweithredol yn eithriadol o isel. Fel arfer bydd y dos yn llawer is na'r lefel y byddai fferyllydd yn derbyn bod ei hangen iddi werth biolegol ar glaf.

Argaeledd[golygu | golygu cod y dudalen]

Gellir rhagnodi meddyginiaethau homeopathi ar y GIG, ond dim ond ychydig o ysbytai a meddygfeydd sydd yn gwneud a hyny fel darpariaeth dewis i gleifion yn unig. Nid yw'r GIG yn ardystio i effeithiolrwydd y meddyginiaethau trwy eu rhagnodi. Fel arfer mae homeopathi yn cael ei ymarfer yn breifat ac mae meddyginiaethau homeopathi ar gael o fferyllfeydd. Gall y pris ar gyfer ymgynghoriad cychwynnol gyda homeopath yn amrywio o tua £20 i £80. Mae tabledi homeopathig neu gynhyrchion eraill fel arfer yn costio tua £ 4 i £ 10[2].

Effeithioldeb clinigol[golygu | golygu cod y dudalen]

Y safon aur ar gyfer profi effeithiolrwydd clinigol unrhyw gyffur yw prawf plasebo ar hap wedi ei reoli. Wedi eu profi fel hyn nid yw meddyginiaethau homeopathi erioed wedi dangos budd gwell na'r plasebo. Yr unig fantais i homeopathi yw bod lefel isel o gyffuriau presennol yn sicrhau bod y meddyginiaethau yn hynod ddiogel. Y gwir berygl mewn homeopathi yw bydd claf yn ei ddefnyddio heb effaith clinigol yn hytrach na defnyddio triniaeth go iawn, a thrwy hynny yn ei osod mewn perygl. Mewn adroddiad am homeopathi gan Bwyllgor Gwyddoniaeth a Thechnoleg Tŷ'r Cyffredin yn 2010 dywedwyd nad yw meddyginiaethau homeopathig yn perfformio'n well na phlasebo, a bod yr egwyddorion y mae homeopathi wedi'u seilio arnynt yn "anhygoel o anwyddonol"[3]

Cyfeiriadau[golygu | golygu cod y dudalen]

  1. "Society of Homeopaths - What is homeopathy?". Cyrchwyd 15 Chwefror 2018.
  2. "NHS Choices - Homeopathy". Cyrchwyd 15 Chwefror 2018.
  3. Science and Technology Committee - Fourth Report Evidence Check 2: Homeopathy adalwyd 15 Chwefror 2018

Rhybudd Cyngor Meddygol[golygu | golygu cod y dudalen]


Cyngor meddygol

Sgrifennir tudalennau Wicipedia ar bwnc iechyd er mwyn rhoi gwybodaeth sylfaenol, ond allen nhw ddim rhoi'r manylion sydd gan arbenigwyr i chi. Mae llawer o bobl yn cyfrannu gwybodaeth i Wicipedia. Er bod y mwyafrif ohonynt yn ceisio osgoi gwallau, nid ydynt i gyd yn arbenigwyr ac felly mae'n bosib bod peth o'r wybodaeth a gynhwysir ar y ddalen hon yn anghyflawn neu'n anghywir.

Am wybodaeth lawn neu driniaeth ar gyfer afiechyd, cysylltwch â'ch meddyg neu ag arbenigwr cymwys arall!