Hanes Cymru (llyfr)

Oddi ar Wicipedia
Jump to navigation Jump to search
Hanes Cymru  
Hanes Cymru (llyfr).jpg
clawr argraffiad Saesneg 2007
Awdur John Davies
Gwlad Lloegr
Iaith Cymraeg
Genre(s) Hanes
Cyhoeddwr Penguin
Dyddiad cyhoeddi 1990
Math o gyfrwng Clawr caled
Tudalennau 767
Argaeledd mewn print.


Llyfr ar hanes Cymru gan John Davies ar hanes Cymru yw Hanes Cymru a gyhoeddwyd gyntaf gan Allen Lane (Penguin) ym 1990 (clawr caled a chlawr meddal). Fe'i ystyrir yn "gampwaith yr awdur" ac yn waith awdurdodol.[1] Cyhoeddwyd cyfieithiad Saesneg o'r llyfr gan yr awdur dan y teitl A History of Wales ym 1993 (ISBN 9780140284751 ) gydag argraffiad newydd yn 1996.[2] Mae'r llyfr yn adrodd hanes Cymru o Oes yr Iâ hyd at yr unfed ganrif ar hugain (yn argraffiad 2007). Un o amcanion John Davies wrth ei ysgrifennu oedd i "[g]ryfhau lle'r Gymraeg fel iaith ysgolheictod hanesyddol".[3]

Ystyrir Hanes Cymru yn llyfr hanes darllenadwy[1] ac yn ôl un adolygydd ei brif rinwedd yw "grym ei naratif, gyda’i ddisgrifiadau bachog a’i osodiadau doniol".[4] Llyfnder sydd i'r arddull wrth ymdrin â ffeithiau ac ystadegau sydd yn ôl Betsan Powys yn "llywio ac yn lliwio yr un pryd".[5]

Yn 2007 cyhoeddwyd diweddariad o Hanes Cymru ac A History of Wales gan Penguin gyda phennod newydd ar Gymru ers 1979.[6] Yn ei ragair i'r argraffiad hwn, ysgrifennodd Davies, "Cyflwynwyd argraffiad cyntaf y gyfrol hon i'r olaf o'r hen genhedlaeth; cyflwynir yr argraffiad hwn i'r cyntaf o'r genhedlaeth newydd."[7]

Gweler hefyd[golygu | golygu cod y dudalen]

Cyfeiriadau[golygu | golygu cod y dudalen]

  1. 1.0 1.1 (Saesneg) Davies, John. Llenyddiaeth Cymru. Adalwyd ar 6 Tachwedd 2012.
  2. Gwefan Gwales; adalwyd 28 Mehefin, 2013
  3. Davies, John et al. (gol.) Gwyddoniadur Cymru yr Academi Gymreig (Caerdydd, Gwasg Prifysgol Cymru, 2008), t. 430 [HANESYDDIAETH].
  4.  Hanes Cymru. Gwales.com. Adalwyd ar 6 Tachwedd 2012.
  5.  Powys, Betsan (2007). Hanes Cymru: 'Dim ond John Davies . . .'. BBC.
  6.  Hanes Cymru: Ychwanegu at y blociau?. BBC (2007). Adalwyd ar 6 Tachwedd 2012.
  7. Davies, John. Hanes Cymru (Penguin, 2007), t. xi.

Dolen allanol[golygu | golygu cod y dudalen]