Gwarchodfa Natur Corsydd Rainham

Oddi ar Wicipedia
Jump to navigation Jump to search
Gwarchodfa Natur Corsydd Rainham
Rainham Marshes LNR 5.JPG
Mathcors, gwarchodfa natur Edit this on Wikidata
Daearyddiaeth
SirHavering Edit this on Wikidata
GwladBaner Lloegr Lloegr
Cyfesurynnau51.49°N 0.23°E Edit this on Wikidata
Statws treftadaethSafle o Ddiddordeb Gwyddonol Arbennig Edit this on Wikidata
Manylion

Gwarchodfa natur o 411 hectar yn Essex, Dwyrain Lloegr, Gwarchodfa Natur Corsydd Rainham (Saesneg: Rainham Marshes Nature Reserve). Saif nepell o bentref Purfleet ar lan ogleddol Afon Tafwys. Fe'i reolir gan elusen yr Y Gymdeithas Frenhinol er Gwarchod Adar (RSPB).[1] Mae'n cynnig cynefin a lloches i amrywiaeth eang o anifeiliaid, adar, trychfilod a phlanhigion cynhenid. Mae'r safle'n cynnwys mannau hynafol iawn ac mae'n bosib gweld boncyff coeden o'r Oes Neolithig, 6,000 o flynyddoedd o oed.

Yn llai hynafol, ac yn dyddio'n ôl i 1906, mae yma hefyd olion targedau saethu a adeiladwyd gan yr Adran Ryfel.[2]

Ym mynedfa'r warchodfa mae siop a chaffi modern a phwrpasol sydd, fel y warchodfa ei hun ar agor ar hyd y flwyddyn. Mae un llwybr yn eich tywys ar hyd ymylon y warchodfa a phob hyn a hyn mae gwylfâu'n cynnig mannau i aros a gwylio adar allan ar y corsydd, a mannau eraill sy'n cynnig adnoddau addysgiadol i blant ddysgu am natur a'r bywyd gwyllt lleol.

Mae cyfleusterau cyhoeddus ar gael mewn dwy safle o fewn y warchodfa ac mae'r holl safle'n addas ar gyfer defnydd o gadeiriau olwyn. Yr orsaf dren agosaf i Gorsydd Rainham yw Gorsaf Drenau Purfleet (o orsaf Fenchurch Street, Llundain, 49 munud), ac mae 20 munud o waith cerdded o'r orsaf i gyrraedd y warchodfa.

Cyfeiriadau[golygu | golygu cod y dudalen]

  1. "Rainham Marshes" (yn Saesneg). RSPB. Cyrchwyd 12 Gorffennaf 2021.
  2. The Illustrated London News (yn Saesneg). Illustrated London News & Sketch Limited. 1999. t. 41.

Gweler hefyd[golygu | golygu cod y dudalen]