Gorflino

Mae gorflino’n gyflwr o flinder emosiynol, meddyliol a chorfforol sy’n cael ei achosi gan straen eithafol ac estynedig. Mae’n digwydd pan fyddwch yn teimlo wedi’ch llethu, yn flinedig yn emosiynol, ac yn methu â chyrraedd gofynion cyson. Mae gorflino’n broses raddol. Mae’r arwyddion a’r symptomau yn gynnil i ddechrau, ond wrth i amser fynd yn ei flaen maent yn gwaethygu.

Achosion

Mae gorflino’n aml yn deillio o’ch swydd, ond mae unrhyw un sy’n teimlo eu bod yn gorweithio ac wedi’u tanbrisio mewn perygl o orflino.

Achosion gorflino sy’n ymwneud â gwaith

• Teimlo fel petai nad oes gennych unrhyw reolaeth neu ond ychydig o reolaeth dros eich gwaith
• Diffyg cydnabyddiaeth neu wobr ar gyfer gwaith da
• Disgwyliadau swydd aneglur sy’n gofyn llawer
• Gwneud gwaith sy’n undonog neu heb her
• Gweithio mewn amgylchedd anhrefnus sy’n peri straen

Achosion gorflino sy’n ymwneud â ffordd o fyw

• Gweithio’n ormodol, heb ddigon o amser i gymdeithasu neu ymlacio
• Diffyg perthnasau agos a chefnogol
• Bod â gormod o gyfrifoldebau, heb ddigon o gymorth gan eraill
• Dim digon o gwsg

Symptomau Corfforol

• Teimlo’n flinedig ac wedi’ch llethu y rhan fwyaf o’r amser
• Imiwnedd isel, bod yn sâl yn aml
• Cur pen neu boenau cyhyrol aml
• Newid mewn awydd bwyd neu arferion cysgu

Symptomau emosiynol

• Ansicrwydd yn eich hun a theimlo eich bod wedi methu
• Teimlo’n ddiymadferth, yn gaeth, ac yn rhwystredig
• Datgysylltiad, teimlo ar ben eich hun yn y byd
• Diffyg cymhelliant
• Agwedd sy’n fwyfwy sinigaidd a negyddol
• Llai o foddhad ac ymdeimlad is o lwyddiant

Triniaeth

Gallwch gymryd camau cadarnhaol er mwyn ymdopi â gorflino a dod â’r cydbwysedd yn ôl i’ch bywyd.

Mae siarad wyneb yn wyneb â rhywun yn ffordd gyflym o dawelu eich system nerfol a lleihau straen. Os ydych yn casáu eich swydd, chwiliwch am ystyr a boddhad rhywle arall yn eich bywyd; yn eich teulu, ffrindiau, diddordebau neu waith gwirfoddol. Rhowch sylw i’r rhannau hynny o’ch bywyd sy’n eich gwneud yn hapus. Peidiwch â gorlwytho eich hun. Mae ymarefer corff yn rheolaedd yn ffordd da o lleihau straen.

Mae meddygon yn rhagnodi amrywiaeth o driniaethau ar gyfer gorflino gan gynnwys cyffuriau meddygol a newidiadau i'ch ffordd o fyw.