Etholiad arlywyddol yr Unol Daleithiau, 2012
 | ||||||||||||||||||||||||||||||||||||||
| ||||||||||||||||||||||||||||||||||||||
| ||||||||||||||||||||||||||||||||||||||
| ||||||||||||||||||||||||||||||||||||||
| Map o ganlyniadau'r etholiad. Coch: Romney a Ryan. Glas: Obama a Biden. Nifer canlyniadau'r cynrychiolwyr yw'r rhifau; po fwyaf y boblogaeth, mwyaf yw'r nifer o gynrychiolwyr sydd gan y Dalaith. | ||||||||||||||||||||||||||||||||||||||
| ||||||||||||||||||||||||||||||||||||||
Cynhaliwyd etholiad arlywyddol yn yr Unol Daleithiau ar Ddydd Mawrth, 6 Tachwedd 2012. Hon oedd y 57fed etholiad arlywyddol a gynhelir bob pedair blynedd i'r Coleg Etholiadol ethol arlywydd ac is-arlywydd, a bydd y Coleg yn gwneud hynny'n swyddogol ar 17 Rhagfyr 2012. Ymgyrchodd deiliad yr arlywyddiaeth, y Democratwr Barack Obama, am ail dymor.[1] Ei brif wrthwynebydd oedd cyn-Lywodraethwr Massachusetts, y Gweriniaethwr Mitt Romney.[2] Dim ond pedwar ymgeisydd arall oedd ag unrhyw siawns o ennill mwyafrif o'r coleg etholiadol (270 o bleidleisiau): cyn-Lywodraethwr New Mexico, y Rhyddewyllysiwr Gary Johnson;[3] Jill Stein, enwebiad y Blaid Werdd,[4] Virgil Goode, ymgeisydd y Blaid Gyfansoddiadol, a Rocky Anderson, ymgeisydd y Blaid Gyfiawnder.[5] Er ei bod yn annhebygol iawn y byddai un o'r pedwar yma'n ennill yr etholiad, roedd yn bosib iddynt effeithio ar bleidleisiau Romney ac Obama.[6]
Cafwyd tair dadl arlywyddol rhwng Obama a Romney, ac un ddadl is-arlywyddol rhwng Joe Biden, cydymgeisydd Obama, a Paul Ryan, cydymgeisydd Romney. Yn yr wythnos cyn yr etholiad, ymyrrodd Corwynt Sandy ar yr ymgyrch a gohiriodd Obama a Romney rhai digwyddiadau.[7] Wrth nesáu at ddiwrnod yr etholiad roedd y canlyniad yn rhy agos i ragfynegi ac yn ddibynnol ar naw talaith allweddol, ond yn ôl nifer o bolau piniwn roedd Obama ar y blaen o drwch blewyn.[8]
Cafodd Obama ei ail-ethol wedi iddo sicrhau 270 o bleidleisiau'r Coleg Etholiadol.[9][10] Fflorida, un o'r taleithiau allweddol, oedd yr olaf i ddatgan canlyniadau ei phleidleisiau i'r Coleg Etholiadol ar 10 Tachwedd, a hynny o blaid Obama gan roi iddo gyfanswm o 332 o bleidleisiau'r Coleg o gymharu â 206 gan Romney. O ran y bleidlais boblogaidd, enillodd Obama 50% o'r bleidlais o gymharu â 49.1% gan Romney, mwyafrif o 74,000 o bleidleisiau.[11]
Cyfeiriadau[golygu | golygu cod y dudalen]
- ↑ Siegel, Elyse (4 Ebrill 2011). "Barack Obama 2012 Campaign Officially Launches". The Huffington Post. http://www.huffingtonpost.com/2011/04/04/barack-obama-2012-campaign_n_844221.html. Adalwyd 4 Ebrill 2011.
- ↑ Holland, Steve (30 Mai 2012) "Romney clinches Republican 2012 nomination in Texas", Reuters. Retrieved 30 Mai 2012.
- ↑ "Libertarians nominate ex-Governor Gary Johnson for president". Reuters. 5 Mai 2012. http://www.reuters.com/article/2012/05/06/us-usa-libertarians-idUSBRE8440BZ20120506. Adalwyd 6 Mai 2012.
- ↑ "Mass. doctor Jill Stein wins Green Party's presidential nod". USA Today. Associated Press. 14 Gorffennaf 2012. http://www.usatoday.com/news/politics/story/2012-07-14/green-party-jill-stein/56226288/1. Adalwyd 15 Gorffennaf 2012.
- ↑ Dance, George (15 Hydref 2012). "Third-Party Presidential Debate October 23, 2012". Nolan Chart. http://www.nolanchart.com/article9907-thirdparty-presidential-debate-october-23-2012.html. Adalwyd 17 Hydref 2012.
- ↑ Cohen, Time (26 Hydref 2012). "Little-known candidates could harm Romney, Obama bids". CNN. http://www.cnn.com/2012/10/25/politics/third-party-candidates/index.html. Adalwyd 29 Hydref 2012.
- ↑ Obama yn gohirio rali etholiadol yn Fflorida. Golwg360 (29 Hydref 2012). Adalwyd ar 11 Tachwedd 2012.
- ↑ Etholiad America – Obama fymryn ar y blaen?. Golwg360 (3 Tachwedd 2012). Adalwyd ar 11 Tachwedd 2012.
- ↑ Barack Obama yn cael ei ailethol yn Arlywydd America. BBC (7 Tachwedd 2012). Adalwyd ar 7 Tachwedd 2012.
- ↑ Obama: ‘Mae’r gorau eto i ddod’. Golwg360 (7 Tachwedd 2012). Adalwyd ar 7 Tachwedd 2012.
- ↑ Obama’n ychwanegu Florida at ei fuddugoliaeth. Golwg360 (10 Tachwedd 2012). Adalwyd ar 11 Tachwedd 2012.
