Eilun Shigir

Oddi ar Wicipedia
Jump to navigation Jump to search
Eilun Shigir

Cerflun pren hynaf y byd yw eilun Shigir (Rwsieg: Шигирский идол)[1] a wnaed tua 7,500 CC yn ystod y cyfnod Mesolithig (Oes Ganol y Cerrig).

Mae'n cael ei arddangos yn yr Amgueddfa Hanes yn Yekaterinburg, Oblast Sverdlovsk, Rwsia.[2]

Darganfod[golygu | golygu cod y dudalen]

Darganfuwyd yr eilun ar y 24ain o Ragfyr, 1894, mewn dyfnder o 4m yng nghors fawn Shigir, ar lethrau dwyreiniol Mynyddoedd Wral, tua 100 km o Yekaterinburg. Roedd archwiliadau yn yr ardal wedi cychwyn 40 mlynedd cyn hynny ar ôl i sawl math o wrthrychau cynhanesyddol gael eu darganfod ar safle mwynglawdd aur awyr-agored.

Fe'i tynwyd o'r gors mewn sawl rhan; cyfunodd yr Athro D. I. Lobanov y prif ddarnau i adlunio cerflun sy'n 2.80m o daldra.

Yn 1914, cynigiodd yr archaeolegydd Vladimir Tolmachev adluniad newydd gan ddefnyddio'r darnau nas defnyddwyd gan Lobanov. Collwyd rhai o'r darnau hynny wedyn ac felly dim ond darluniau Tolmachev ohonynt sy'n goroesi.

Dyddio[golygu | golygu cod y dudalen]

Mae'r dyddio radiocarbon a wnaed gan G. I. Zajtseva o'r Sefydliad Hanes Diwylliant Materol yn St Petersburg, a gadarnhawyd gan Sefydliad Daeaereg Academi Gwyddoniaeth Rwsia ym Moscfa, yn rhoi oed o 9,500 mlynedd i'r eilun. Dyma'r cerflun pren hynaf yn y byd a wyddys hyd yn hyn felly.

Disgrifiad[golygu | golygu cod y dudalen]

Ers 2003 mae'r cerflun yn cael arddangos mewn blwch gwydr wedi'i lenwi â nwy yn Amgueddfa Hanes Yekaterinburg.

Mae'r pen yn dangos wyneb gyda llygaid, trwyn a cheg arno. Mae'r corff yn fflat a hironglog. Ceir patrymau geometraidd arno. Ger y thoracs ceir llinellau syth sydd yn cynrychioli asenau; ceir llinellau gyda chevrons ar weddill y corff.

Nid oes cytundeb gan archaeolegwyr am union ystyr y patrymau hyn nac am yr hyn a gynrychiolir gan y cerflun.

Cyfeiriadau[golygu | golygu cod y dudalen]

  1. Понизовкин, Андрей (Medi 2003). (yn ru) (PDF)Наука Урала (Cangen Wral Academi Gwyddorau Rwsia) (20-2003 [848]). http://www3.uran.ru/gazetanu/2003/09/nu20/nu20.pdf.
  2. Petricevic, Ivan (2014-11-28). "The Shigir Idol, A Wooden Statue Twice As Old As The Pyramids Of Egypt". Ancient-code.com. http://www.ancient-code.com/shigir-idol-wooden-statue-twice-old-pyramids-egypt/. Adalwyd 2014-12-02.

Dolen allanol[golygu | golygu cod y dudalen]