Dewis

Oddi ar Wicipedia
Jump to navigation Jump to search
Dewis  
Awdur Ioan Kidd
Gwlad Cymru
Iaith Cymraeg
Genre(s) Ffuglen
Cyhoeddwr Gwasg Gomer
Dyddiad cyhoeddi 04 Tachwedd 2013
Tudalennau 250
ISBN 9781848515482
Argaeledd Ar gael

Nofel gan Ioan Kidd yw Dewis a gyhoeddwyd yn 2013 gan Wasg Gomer. Yn 2017 roedd y gyfrol mewn print.[1]

Y tro cyntaf y caiff bywyd Mari ei ddryllio, does dim dewis ganddi ond dal ei gafael a brwydro ymlaen. Chwarter canrif yn ddiweddarach, a all hi wneud hynny eto? Stori am fywyd teulu cyfoes gyda phawb yn gorfod gwneud dewisiadau anodd.

Yr awdur[golygu | golygu cod y dudalen]

Brodor o Gwmafan yng Ngorllewin Morgannwg yw Ioan Kidd ac mae'’n byw yng Nghaerdydd ers blynyddoedd. Hon yw ei bumed nofel a'’r drydedd i oedolion ac mae'’n awdur cyfrol o storïau byrion hefyd.

Adolygiad ar wefan Gwales[golygu | golygu cod y dudalen]

Yn ei adolygiad o'r gyfrol dywedd R. Arwel Jones: Mae’r teulu modern yn rhwydwaith eang a chymhleth ei wead o ran dilyniant o briodasau, o ran cyfeillgarwch a rhywioldeb. Er gwaethaf pob drama, mae yna deuluoedd sy’n llwyddo i gadw’r cwch yn y dŵr wrth hwylio’r moroedd tymhestlog hyn. A dyna sy’n digwydd yn y nofel ‘ddyrchafol’ (gair y broliant) hon.

Mae’r bennod gyntaf yn cyflwyno'r prif gymeriadau. Datgela’r awdur pwy yw pwy, beth yw eu perthynas a beth yw natur y broblem sy’n mynd i yrru’r stori yn ei blaen.

Salwch Mari, trigain oed, yw’r catalydd, ond nid yw’r stori, rhagor na Mari ei hun, yn cael ei llethu gan y salwch hwnnw. Y catalydd hwn sy’n bwrw Michael (ail ŵr Mari), Ifor (ei gŵr cyntaf) a’u tair merch i ferw’r stori a’u gorfodi i ailystyried eu perthynas â Mari, ac yn bwysicach na dim, eu perthynas â’i gilydd.

Un o’r llinynnau mwyaf annisgwyl sy’n rhedeg trwy’r nofel hon yw’r graean yng ngardd y cartref swbwrbaidd yng Nghaerdydd – graean osododd Ifor i arbed gwaith garddio, graean roedd Michael wastad wedi bwriadu ei symud er mwyn creu lawnt werdd, graean grafai esgidiau wrth ymadael am briodas y ferch hynaf, a fu'n rhwystr i gadair olwyn Mari a’r graean a achosodd y ddamwain yrrodd y stori tuag at ei therfyn.


Gweler hefyd[golygu | golygu cod y dudalen]

Cyfeiriadau[golygu | golygu cod y dudalen]

  1. Gwefan Gwales; adalwyd 1 Awst 2017